युक्तियुक्तकरण ले लइका मन ल मिलीस बेहतर शिक्षा के भरोसा
रायपुर/ छत्तीसगढ़ सरकार कोति ले लागू करे गए युक्तियुक्तकरण नीति ह दुरिहा-दुरिहा गांव मन के स्कूल म अध्ययन-अध्यापन के बेहतर व्यवस्था के नवा भरोसा जगाए हे। मुख्यमंत्री श्री विष्णु देव साय के हुकुम म स्कूल मन म गुरूजी मन के तैनाती के प्रक्रिया ल तेज़ी से अऊ पूरा पारदर्शिता के संग पूरा करे जात हे। कलेक्टर श्री निलेशकुमार महादेव क्षीरसागर के मार्गदर्शन म जिला म युक्तियुक्तकरण के प्रक्रिया बेहद सुचारू अऊ निष्पक्ष तरीका ले पूरा कर ले गए हे। अब तक जेन स्कूल मन म या तो गुरूजी नइ रहिन या केवल एक गुरूजी के तैनाती रहिस, अब उहां विषय-विशेषज्ञ गुरूजी उपलब्ध हो गए हे। एखर से गणित, विज्ञान अऊ आन विषय मन अध्ययन-अध्यापन बने सहिन हो सकही।
गुरूजी मन ह जताइन भरोसा अऊ आभार
ए प्रक्रिया ले गुरूजी मन घलोक अड़बड़ संतुष्ट नज़र आवत हें। शिक्षिका श्रीमती सिंधु श्रीवास्तव ह बताइस के काउंसलिंग के समय स्क्रीन म खाली पद मन के जानकारी देहे गीस, जेखर से स्कूल चयन म कोनो दिक्कत नइ होइस। वो ह सरकार अऊ प्रशासन के प्रति आभार व्यक्त करे हे। वरिष्ठ गुरूजी श्री मनोज कुमार जैन, जेन पहिली माध्यमिक शाला देवडोंगर म पदस्थ रहिन, उमन कहिन के सेवानिवृत्ति के करीब होए के बाद घलो उंखर इच्छानुसार अऊ पारदर्शी तरीका ले स्कूल चयन करे के अवसर मिलीस। उमन कहिन के छत्तीसगढ़ सरकार के ए पहल ले अब ग्रामीण स्कूल मन म गणित, रसायन अऊ जीवविज्ञान जइसे विषय मन के विशेषज्ञ गुरूजी मिल सकही, जेखर से लइका मन के पढ़ई म सुधार होही।
