युक्तियुक्तकरण ले जशपुर के ग्रामीण अंचल मन म शिक्षा के फेर छाइस अंजोर

गुरूजी मन के पदस्थापना ले स्कूल मन म लहुटिस रौनक
पालक मन म उत्साह, लइका मन म नवा जोश
जशपुर, छत्तीसगढ़ शासन कोति ले शिक्षा के गुणवत्ता म सुधार अऊ स्कूल मन म गुरूजी उपलब्धता सुनिश्चित करे के उद्देश्य ले प्रदेश भर म चलाए जात युक्तियुक्तकरण अभियान के सकारात्मक परिणाम अब स्पष्ट रूप ले दिखे लगे हे। मुख्यमंत्री श्री विष्णु देव साय के मार्गदर्शन म क्रियान्वित ए अभियान ले खासकर आदिवासी बहुल अऊ दूरस्थ ग्रामीण अंचल मन म शिक्षा के क्षेत्र म नवा उम्मीद जगे हे।
फरसाबहार विकासखंड के दू अइसन प्राथमिक विद्यालय रैगारमुंडा अऊ मुण्डाडीह, जेन कइ बछर ले गुरूजी विहीन रहिस, अब इहां युक्तियुक्तकरण प्रक्रिया के तहत  2-2 नियमित गुरूजी पदस्थ हो गे हें। रैगारमुंडा शाला, जेन ह मुख्यमंत्री श्री साय के विधानसभा क्षेत्र कुनकुरी म स्थित हे, वो म दू गुरूजी के नियुक्ति ले गांव म शिक्षा के प्रति वातावरण पूरा बदल गए हे। पहिली विद्यालय केवल व्यवस्था मुताबिक गुरूजी मन के भरोसे चलत रहिस, अऊ एकदम थोरेह लइका मन आवत रहिन। अब इहां के पालक मन म नवा विश्वास जागे हे अऊ ओ मन फेर अपन लइका मन के नामांकन स्थानीय शाला म कराए बर आगू आवत हें।
अइसनहे मुण्डाडीह के प्राथमिक विद्यालय म अड़बड़ समें ले गुरूजी नइ होए के सेती पढ़ई लगभग ठप रहिस। गांव के मनखे आशंकित रहिन के कहूं ऊंखर लइका मन के भविष्य अंधकारमय झन हो जाय। फेर अब नियमित गुरूजी मन के पदस्थापना ले विद्यालय म फेर पढ़ाई हो सकही। विद्यालय के शाला प्रबंधन समिति के अध्यक्ष अऊ ग्रामवासी मन ह गुरूजी मन के आगमन म उंखर आत्मीय स्वागत करिन अऊ शासन के प्रति आभार व्यक्त करिन।