युक्तियुक्तकरण ले पोड़ी खुर्द के प्राथमिक शाला मन ल मिलिस गुरूजी

शासन के पहल ले शिक्षा के गुणवत्ता म होही सुधार
रायपुर, राज्य शासन कोति ले प्रदेश म शिक्षा व्यवस्था ल सुदृढ़ अउ समतुल्य बनाए के उद्देश्य ले संचालित शिक्षक युक्तियुक्तकरण प्रक्रिया के प्रभाव अब जमीनी स्तर म दिखत हे। ए प्रक्रिया के अंतर्गत ग्राम पंचायत पोड़ी खुर्द के प्राथमिक शाला पोड़ी खुर्द अऊ हरापारा म नवा शिक्षक पदस्थ करे गए हे, जेखर से एकल शिक्षक व्यवस्था ले जूझत ए विद्यालय मन म शिक्षक मन के कमी अब दूर हो गए हे।
पोड़ी खुर्द के रहइया शोहन ह बताइस के पहिली दुनों प्राथमिक शाला केवल एक-एक शिक्षक के भरोसे संचालित होवत रहीस, जेखर से लइका मन के पढ़ई-लिखई प्रभावित होवत रहिस। अब शिक्षक युक्तियुक्तकरण प्रक्रिया के तहत शिक्षक मन के पदस्थापना ले विद्यालय मन के शिक्षा व्यवस्था म सुधार होही। वो ह शासन के ए पहल ल सहरावत मुख्यमंत्री श्री विष्णु देव साय के प्रति आभार प्रकट करे हे।
प्राथमिक शाला हरापारा म नवपदस्थ  प्रधान पाठक श्रीमती सीमा सिंह ह बताइस के ओ पहिली किशुननगर प्राथमिक शाला म पदस्थ रहीन, अतिशेष शिक्षक मन के युक्तियुक्तकरण प्रक्रिया म ओ ल स्वेच्छा से विद्यालय चयन के अवसर मिलीस। वो ह कहिस के पहिली हरापारा स्कूल म एके शिक्षिका कार्यरत रहिस, जेखर से लइका मन ल बेहतर शिक्षा नइ मिल पात रहिस, फेर अब दू शिक्षक के उपस्थिति ले लइका मन ल गुणवत्तापूर्ण शिक्षा मिल सकही।