अम्बिकापुर, खेल अऊ युवा कल्याण विभाग कोति ले ये साल घलोक विकासखंड, जिला स्तरीय अऊ राज्य स्तरीय युवा उत्सव के आयोजन करे जाही। युवा उत्सव म 18 विधा म प्रतियोगिता के आयोजन करे जाही जेमां 15 ले 35 साल आयु के कलाकार मन भाग ले सकत हें।
जिला खेल अधिकारी ले मिले जानकारी के मुताबिक युवा उत्सव 2021-22 म लोकनृत्य (सामूहिक), लोकगीत (सामूहिक), एकांकी नाटक (हिन्दी/अंग्रेजी भाषा), शास्त्रीय गायन (हिन्दुस्तानी शैली), शास्त्रीय गायन (कर्नाटक शैली), सितार वादन (शास्त्रीय वादन), बांसुरी वादन (शास्त्रीय वादन), तबला वादन (शास्त्रीय वादन), वीणा वादन (शास्त्रीय वादन), मृदंगम (शास्त्रीय वादन), हारमोनियम वादन ( सुगम वादन), गिटार वादन (भारतीय या पाश्चात्य संगीत), मणीपुरी (शास्त्रीय नृत्य), उड़ीसी (शास्त्रीय नृत्य), भरतनाट््यम (शास्त्रीय नृत्य), कत्थक (शास्त्रीय नृत्य), कुचीपुड़ी (शास्त्रीय नृत्य) अऊ वक्तृत्वकला (तात्कालिक भाषण) विधा म प्रतियोगिता के आयोजन करे जाही।
जेन युवा प्रतियोगिता म भाग लेना चाहत हे वो ह अपन-अपन विकासखंड के विकासखंड शिक्षा अधिकारी कार्यालय म पंजीयन करा सकत हें। अम्बिकापुर विकासखंड म पंजीयन बर संयुक्त संचालक खेल अऊ युवा कल्याण जिला कार्यालय अम्बिकापुर म बिहनिया 11.00 ले 05.00 बजे तक कराए जा सकत हे। पूरा जानकारी बर 8109882724, 9406046922 अऊ 9131258830 म संपर्क करे जा सकत हे। विकासखंड ले चुने गए युवा मन ही आगू जिला स्तरीय युवा उत्सव म संघर सकहीं।
युवा उत्सव म 18 विधा म होही प्रतियोगिता
