जगदलपुर, 18 सितंबर 2020। कोविड-19 के बाढ़त प्रभाव उपर नियंत्रण अऊ वायरस ले बचाव बर जिला प्रशासन के मार्गदर्शन म बस्तर जिला के युवोदय वालिंटियर मन जगदलपुर शहर के प्रमुख बाजार स्थल अऊ प्रमुख मार्ग मन म कोविड-19 के प्रति मनखे मन ल जागरूक करत हें। ये वालिंटियर मन नागरिक मन ल मास्क, सेनेटाईजर के उपयोग, सोशल अऊ फिजिकल दूरी के पालन करे के संग कोविड-19 के संबंध म शासन के गाईड लाइन के पालन करे बर प्रेरित करत हें। संगेच जऊन मनखे मास्क सही तरीका ले उपयोग नइ करत हें ओ मन ल सही तरीका ले मास्क लगाय ल कहत हे अऊ जेमन मास्क नइ रखे हें या नइ पहिरे हें ओ मन ल मास्क घलोक बांटत हें।
जिला प्रशासन ह जिला के युवा शक्ति के कौशल, हुनर अऊ रूचि के उपयोग बस्तर जिला के विकास म करे बर एक युवोदय अभियान चलाए रहिस। जेमां युवोदय वालिंटियर के रूप म बस्तर जिला के ओ जागरूक नागरिक सामिल हे जऊन प्रशासन के संग मिलके समाज के बेहतरी बर काम करना चाहत हें।
