बिजली बिल जीरो! सारंगढ़ के व्यापारी मनीष केडिया के घर सोलर ले बनिस मुफ्त बिजली

सारंगढ़, प्रधानमंत्री सुरुज घर मुफ्त बिजली योजना आम मनखे मन खातिर बड़का राहत साबित होवत हे। सारंगढ़ के व्यापारी मनीष कुमार केडिया ह ए योजना के लाभ लेके अपन घर ल पूरा ऊर्जा आत्मनिर्भर बना लेहे हे। उमन घर के छत म 5 किलोवाट रूफटॉप सोलर पैनल लगाए हें जेकर कीमत 2.85 लाख रुपिया हे। ये मां केंद्र सरकार ले 78 हजार रुपिया सब्सिडी मिल गे हे, जबकि राज्य सरकार के 30 हजार रुपिया सब्सिडी मिलइया हे।
अगस्त 2025 ले वोखर घर के पूरा बिजली जरूरत सोलर ले पूरा होवत हे अऊ पाछू कई महीना ले बिजली बिल शून्य हो गए हे। मनीष के मुताबिक पहिली हर महिना बिजली बिल ले बजट उपर दबाव रहय, फेर अब वोखर छत ऊर्जा, बचत अऊ स्वावलंबन के चिन्‍हारी बन गए हे।
ए योजना के आवेदन प्रक्रिया पूरा ऑनलाइन हे अऊ नागरिक पोर्टल, पीएम सुरुज घर ऐप, CSPDCL वेबसाइट या टोल फ्री 1912 के संग आवेदन करे जा सकत हे। योजना मनखे मन ल हरित ऊर्जा, बचत अऊ आत्मनिर्भरता के दिशा म प्रेरित करत हे।