प्रधानमंत्री सुरुज घर योजना ले कौन्दकेरा के कुंज लाल मण्डल ल मिलीस बड़का राहत

सौर ऊर्जा ले बिजली बिल शून्य, अकतहा आय घलोक अर्जित
रायपुर, फिंगेश्वर विकासखंड के ग्राम कौन्दकेरा के रहवइया श्री कुंज लाल मण्डल ह प्रधानमंत्री सुरुज घर मुफ्त बिजली योजना के लाभ उठात अपन घर म 3 किलोवाट क्षमता के सोलर पैनल सिसटम स्थापित करे हे। ए पहल ले ओखर मासिक बिजली बिल पूरा शून्य हो गए हे अऊ ओ मन अब अकतहा उत्पादित बिजली ल शासन ल बेचके आय घलोक अर्जित करत हें।
सोलर सिसटम के कुल लागत लगभग 2 लाख रूपिया रहिस, जेमां ले 78 हजार रूपिया के सब्सिडी केंद्र सरकार ले अऊ 30 हजार रूपिया राज्य सरकार कोति ले देहे गीस। पूरा प्रक्रिया ल ऑनलाइन पोर्टल अऊ तकनीकी सहायता के माध्यम ले पारदर्शी बनाए गीस। पहिली श्री मण्डल हर महिना 2500 ले 3000 रूपिया तक के बिजली बिल चुकात रहिस, फेर अब सूरज के रोशनी ओ ल ऊर्जा के क्षेत्र म आत्मनिर्भरता के संग आर्थिक मजबूती घलोक देवत हे।
वो ह कहिस के अब सूरज के रोशनी सिर्फ़ घर ल रोशन ही नइ करय, बल्कि बिजली बिल ले घलोक राहत देथे। ये योजना हमार जइसे मध्यम वर्गीय ग्रामीण परिवार मन बर वरदान हे। जिला कलेक्टर ह ए पहल के सराहना करत कहिन के जिला के आन गांव वाले मन ल घलोक ए योजना ले प्रेरणा लेना चाही, ताकि ओ मन ऊर्जा के क्षेत्र म आत्मनिर्भर बन सकंय। उमन कहिन के प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय के अगुवई म हमार राज्य म सतत विकास करत हे अऊ पर्यावरण संरक्षण ल बढ़ावा मिलत हे। जेखर लाभ आम नागरिक मन ल मिलत हे।