नवागांव के झोलाछाप डॉक्टर उपर प्रशासन ह करिस कार्यवाही

कोण्डागांव, 07 जून 2021 सम्मार। जिला म लोगन के स्वास्थ्य अउ सुपोषण बर जिला प्रशासन कोति ले सरलग उदीम करे जावत हे। अइसन म बिन पूरा ज्ञान अउ डिग्री के कुछ लोगन मन डाहर ले वनांचल के गांव मन म भोला—भाला गंवइहा मन ल उपचारित करेके के नाम म उन मन ल ठगत हावय। जेकर ले बेरा—कुबेरा इन डॉक्टर मन के गलत दवई देहे ले गंभीर परिणाम के सामना करे बर परथे। जेला देखत प्रशासन कोति ले सबो अइसन बिना डिग्रीधारी झोलाछाप डॉक्टर मन के विरूद्ध कार्यवाही करे जावत हवय। जेकर तहत् सम्मार के कलेक्टर पुष्पेंद्र कुमार मीणा के आदेशानुसार एसडीएम गौतमचंद पाटिल के नेतृत्व म गठित जिला प्रशासन अउ पुलिस विभाग के संयुक्त जाँच दल ह विकासखण्ड कोण्डागांव के ग्राम नवागांव, मर्दापाल के कथित झोलाछाप डॉक्टर के इहां अचानक दबिश दीन। झोलाछाप डॉक्टर बलराम नाग के घर म जांच करे म अबड़ अकन दवई,भंडारित होए के संग ओकर घर म मरीज मन के ईलाज करत तको पाए गइस। जेमा टीम ह दवाई अउ दस्तावेज ल जप्त करके कथित झोलाछाप डॉक्टर के विरुद्ध नर्सिंग होम एक्ट के तहत् प्रकरण तियार करीन हे।