नरवा,गरवा,घुरवा अऊ बाड़ी योजना के काम मन ल तेजी ले पूरा करे के निर्देश
ग्राम संगठन के काम मन ल दीस प्रोत्साहन
अम्बिकापुर, संभागायुक्त श्री ए.के.टोप्पो ह काल सूरजपुर जिला के ग्राम केशवनगर म नरुवा, गरुवा, घुरुवा अऊ बाड़ी योजना अंतर्गत संचालित कई ठन कार्य मन के अवलोकन करिस अउ एखर तेजी ले निर्माण बर अधिकारी मन ल जरूरी निर्देश दीन। ए दौरान प्रेमनगर विधानसभा विधायक श्री खेलसाय सिंह, सूरजपुर कलेक्टर श्री दीपक सोनी अउ जिला पंचायत के मुख्य कार्यपालन अधिकारी श्री अश्वनी देवांगन मौजूद रहिन।
संभागायुक्त श्री टोप्पो ह ग्राम केशवनगर स्थित आदर्श गौठान के निरीक्षण करत वर्मी कम्पोष्ट, कोटना, पानी टंकी, मचान, बाड़ी विकास के तहत करे गे काम मन ल लउहे पूरा करे के निर्देश दीन, उन्हें 11 आदर्श गांव मन म होत गौठान निर्माण, चारागाह, उन्नत घुरवा अउ बाड़ी विकास के काम मन म तेजी ले जरूरी संसाधन के व्यवस्था करतसमय-सीमा म पूरा करे ल कहिन। श्री टोप्पो ह गौठान म रोपे गये फलदार वृक्ष जेमा मुख्य रुप ले आम, लीची, पपीता, सीताफल व जामुन के पौधा मन के देख-भाल बर अड़बड़ व्यवस्था के निर्देश दीन। उमन केशवनगर स्थित गौठान म मवेशी मन बर आयोजित निःशुल्क चिकित्सा शिविर के अवलोकन करत पशुपालन विभाग के अधिकारी मन ल शासन के योजना मन के तहत पशु संवर्धन के दिशा म कारगर कदम उठाए ल कहिन। शिविर म पशुपालन विभाग कोति ले करीब 182 मवेशी मन के उपचार करके 32 पशु मालिक मन ल दवाई दे गीस। एखर संगे च संतुलित पशु आहार के संबंध म प्रदर्शन करके गांव वाले मन ल संतुलित पशु आहार कइसे बनाये जाये अउ ये मां का-का घटक कतेक मात्रा म मिलाए जाये ये बताइस गीस। संतुलित पशु आहार खवाए ले पशु आहीं अउ ऊंखर स्वास्थ्य लाभ के संगेच कार्य क्षमता, गर्भधारण अउ प्रजनन क्षमता म वृद्धि होही।
संभागायुक्त श्री टोप्पो ह गौठान प्रबंधन समिति कोति ले स्व सहायता समूह के महिला मन अउ ग्राम संगठन मन के संग आजीविका वर्धन बर बनाए गए समान मन के प्रदर्शनी के अवलोकन करिस अउ ऊंखर से बनाये गये कई ठन चीज मन के सराहना करिन। उमन ऊंखर काम मन ल प्रात्साहित करे बर ऊंखर कोति ले निर्मित आम के आचार बिसाईन। प्रदर्शनी म ग्राम द्वारिकानगर संगठन के मसाला, ग्राम करवां संगठन के आचार, ग्राम सोनगरा संगठन के चावल, ग्राम सौतार संगठन के मसाला, ग्राम ओड़गी, गोविन्दपुर, कोट, नवापाराकलां संगठन के चावल, ग्राम बंजा, देवनगर, नमना संगठन के निर्मित मसाला के प्रदर्शन करिस।
कलेक्टर श्री दीपक सोनी ह बताइस कि सूरजपुर जिला म 11 आदर्श गौठान के निर्माण करे जात हे। उमन बताइस के ग्राम केशवनगर के गौठान म 257 पशु लाये गये हे जेमा राष्ट्रीय पशुधन विकास के तहत् 252 मवेशी मन के बीमा कराया गए हे। एमां 143 मवेशी मन के जनसहयोग ले बीमा कराये गए हे अउ 500 आदिवासी कुटुंब के मवेशी मन के बीमा कराये के जिला प्रशासन के योजना हे।
निरीक्षण के समय अपर कलेक्टर श्री के.पी.साय, मुख्य कार्यपालन अधिकारी जनपद पंचायत श्री वैद प्रकाश पाण्डेय, तहसीलदार श्री नंद जी पाण्डेय व आन विभाग के अधिकारी कर्मचारी उपस्थित रहिन।
