उत्तर बस्तर कांकेर: मानकलाल के सपना होइस साकार

उत्तर बस्तर कांकेर, जिला अंत्यावसायी सहकारी विकास समिति कार्यालय कोति ले जिला के बेरोजगार युवक मन ल स्व-रोजगार स्थापित करे बर करजा देवाए जात हे, जेखर से उंखर आर्थिक स्थिति सुदृढ़ हो सकेय।
जिला मुख्यालय कांकेर ले करीबन 70 किलोमीटर दूरिहा स्थित दुर्गुकोंदल विकासखंड के ग्राम मदले निवासी मानकलाल आंचला ह बताइस कि मोर परिवार के आर्थिक स्थिति ठीक नइ होए के सेती में दूसर के वाहन चलाय के काम करत रहेंव, जेखर से मोला बने आय नइ होत रहिस। मोर सपना रहिस कि खुद के पैसेंजर वाहन होवय, जेखर से बने आमदनी प्राप्त हो सकेृय, फेर मैं वाहन खरीदे बर सक्षम नइ रहेंव। ही बेरा म जिला अंत्यावसायी सहकारी विकास समिति कांकेर ह पैसेंजर व्हीकल योजना के अंतर्गत स्थानीय समाचार पत्र म विज्ञप्ति प्रकाशित करिस, जेन ल पढ़के जानकारी मिलीस अऊ मैं अंत्यावसायी कार्यालय ले संपर्क करके आवेदन प्रस्तुत करेंव। आवेदन करे के एक महिना बाद अंत्यावसायी कार्यालय म चयन समिति के आगू उपस्थित होके जरूरी कागद मन के सत्यापन कराएंव, जेखर बाद समिति ह पैसेंजर वाहन व्हीकल बर मोर चयन हो गे। जेमां 06 लाख 85 हजार के करजा पास करे के कार्यवाही करत मोर पसंद के पैसेंजर व्हीकल वाहन प्रदाय करे गीस।
मानकलाल आंचला ह बताइस कि खुद के पैसेंजर व्हीकल के सपना साकार हो गे, अब मैं खुद के वाहन चलाथंव, जेखर से मोला हर महिना 25 ले 30 हजार रूपिया के आमदनी होथे, अऊ हर महिना 11 हजार 950 रूपिया के किस्त घलोक जमा करत हंव। मोर परिवार म माता-पिता बहिनी के अलावा पत्नी अऊ दो पुत्र घलोक हे, जेखर पालन पोषण करे म मोला आर्थिक मदद मिलत हे। मैं राज्य सरकार के जनकल्याणकारी योजना अंतर्गत संचालित अंत्यावसायी सहकारी विकास समिति के बहुत-बहुत आभारी हंव, जेखर सेती मैं अपन सपना ल साकार कर सकिस।