कोरिया: प्रधानमंत्री आवास योजना ले जयप्रकाश ह बनाइस अपन सपना के घर

कोरिया, 16 मार्च 2024। प्रधानमंत्री श्री नरेन्द्र मोदी के सियानी म अउ मुख्यमंत्री विष्णु देव साय के निर्देश के मुताबिक जिला म प्रधानमंत्री आवास योजना अंतर्गत पक्का आवास निर्माण के काम तेजी ले पूरा करे जात हे। हितग्राही मन ल आवास निर्माण के जियो टैगिंग के जइसे सरलग राशि प्रदान करे जात हे। इही कड़ी म प्रधानमंत्री आवास योजना ग्रामीण अंतर्गत बैकुंठपुर विकासखंड के ग्राम अमहर निवासी जयप्रकाश कुर्रे ल साल 2016-17 म प्रधानमंत्री आवास योजना के स्वीकृति प्राप्त होइस एकर बाद घर के निर्माण शुरू करे गीस, जयप्रकाश ह बताइस कि पक्का घर नइ होए के सेती ओ मन ल अड़बड़ दिक्कत के सामना करना परत रहिस। आर्थिक रूप ले कमजोर होए के सेती ओ मन अपन पक्का मकान नइ बनवा सके रहिन। योजना अंतर्गत घर के स्वीकृति मिले म उमन अपन पक्का के मकान निर्माण कर ले हे अऊ अभी हाल म जयप्रकाश अउ ओखर कुटुंब अपन नवा घर म निवासरत हे अउ सुरक्षित महसूस करत हे, जेकर सेती ले ऊंखर जीवन के स्तर म सुधार आए हे, वोकर कहना हे कि ओ ह ए मदद बर सरकार के आभारी हे।
जानबा हे के जिला म अब तक 13 हजार 416 प्रधानमंत्री आवास ल स्वीकृति मिले हे जेमे 9 हजार 251 मकान पूरा कर हितग्राही मन ल सौंप दे गए हे अउ बाकी बचे मकान मन ल कलेक्टर श्री विनय कुमार लंगेह के निर्देश म जल्द पूरा करे जात हे।