गरीबीन नोनी मन के बिहाव होवत हे गरिमापूर्ण अउ प्रतिष्ठापूर्ण माहौल म

रायपुर 22 मार्च 3021। छत्तीसगढ़ के अति महत्वाकांक्षी योजना मुख्यमंत्री कन्या विवाह योजना के माध्यम ले प्रदेश के आर्थिक रूप ले कमजोर परिवार के नोनी मन बिहाव ह प्रतिष्ठापूर्ण अउ गरिमामय माहौल म संपन्न होवत हावे। ये योजना म गरीबीन नोनी मन के बिहाव के जम्मो खर्चा ल सरकार ह पूरा करे जावत हे। योजना के तहत जांजगीर चाँपा जिला के गवागढ़ विकासखंड के ग्राम पंचायत सरखों के हाईस्कूल परिसर म 21 जोड़ा के सामूहिक बिहाव के आयोजन धार्मिक रीति रिवाज के अनुसार उछाह मंगल से सम्पन्न होइस।
ये बेरा म संसद श्री गुहाराम अजगल्ले कहीन कि आर्थिक रूप ले कमजोर परिवार के नोनी मन के बिहाव म होवइया आर्थिक कठिनाई के निपटान अउ बिहाव के बेरा होवइया फिजूलखर्ची ल थाम्हे खातिर ये गरिमामय, प्रतिष्ठापूर्ण माहौल म सामूहिक बिहाव के आयोजन ह ये कार्यक्रम प्रमुख उदृदेश्य हरे।
ये योजना के तहत महिला अउ बाल विकास विभाग डाहर ले गरीबी रेखा के नीचे जीवन यापन करइया परिवार अउ मुख्यमंत्री खाद्यान्य योजना के अंतर्गत कारडधारी परिवार के 18 बडर जादा उमर के जादा ले जादा दू झिन नोनी मन के बिहाव बर जादा ले जादा 25 हजार रूपिया करे जाए के प्रावधान हावय। योजना के भीतर वर-वधु के सिंगार सामग्री बर 5 हजार रूपिया, आने उपहार सामग्री बर 14 हजार रूपिया, वधु ल बैंक ड्राफ्ट के रूप 1 हजार रूपिया अउ सामूहिक बिहाव के आयोजन म हर नोनी पाछू 5 हजार रूपिया खरचा करे जाथे।
राज्य शासन कोति ले मुख्यमंत्री कन्या विवाह योजना म बिधवा, अनाथ, निराश्रित नोनी मन ल तको ल संघारे जाथे।