सूरजपुर, 22 जुलाई 2020। मुख्यमंत्री श्री भूपेश बघेल के मंशा के मुताबिक ग्रामोद्योग मंत्री गुरु रूद्रकुमार के मार्गदर्शन म छत्तीसगढ़ माटीकला बोर्ड कोति ले सूरजपुर जिला के ग्राम तेलईकछार म राज्य के दूसरइया ग्लेजिंग यूनिट स्थापित करे जात हे। ग्रामोद्योग मंत्री गुरु रूद्रकुमार ह कहिन के ये ग्लेजिंग यूनिट के शुरू होए ले जिहां एक तरफ रोजगार के नवा अवसर सृजित होही, उहें दुसर कोति प्रवासी श्रमिक मन ल स्थाई अऊ नियमित रोजगार मिलही। उमन कहिन के राज्य शासन के मंशा के मुताबिक ग्रामीण क्षेत्र मन म स्थानीय स्तर म रोजगार उपलब्ध कराए के दिशा म ग्रामोद्योग बोर्ड कोति ले बेहतर प्रयास करे जात हे। इही कड़ी म सूरजपुर जिला के तेलईकछार म एक नवा ग्लेजिंग यूनिट के स्थापना के काम पूरा होवइया हे।
ग्लेजिंग यूनिट ले मिलही रोजगार के नवा अवसर: मंत्री गुरु रूद्रकुमार
