रायपुर, मुख्यमंत्री श्री भूपेश बघेल ह आज राजधानी रायपुर के पुलिस परेड मैदान म आयोजित स्वतंत्रता दिवस के राज्य स्तरीय समारोह म पुलिस अऊ जेल विभाग के अधिकारी मन ल पुलिस वीरता पदक, सराहनीय सेवा बर भारतीय पुलिस पदक, यूनियन होम मिनिस्टर मेडल, सराहनीय सुधार सेवा पदक, गुरू घासीदास पुरस्कार, राज्यपाल पुरस्कार, रानी सुबरन कुंवर पुरस्कार, वीर नारायण सिंह पुरस्कार अऊ पुलिस महानिदेशक पुरस्कार बर चुने गए अधिकारी मन ल पुरस्कार प्रदान करिन। उमन साल 2021 अऊ 2020 म ए पुरस्कार बर चुने गए अधिकारी मन ल घलोक पुरस्कृत करिन।
प्रदेश के दस अधिकारी मन ल ये साल (2022) के पुलिस वीरता पदक, दस अधिकारी मन ल सराहनीय सेवा बर भारतीय पुलिस पदक, आठ अधिकारी मन ल यूनियन होम मिनिस्टर मेडल अऊ जेल विभाग के आठ अधिकारी मन ल सराहनीय सुधार सेवा पदक ले पुरस्कृत करे गीस। मुख्यमंत्री ह बिलासपुर रेंज के पुलिस महानिरीक्षक श्री रतनलाल डांगी अऊ छत्तीसगढ़ बल, बीजापुर म 15वीं वाहिनी के सेनानी श्री विवेक शुक्ला ल घलोक सराहनीय सेवा बर भारतीय पुलिस पदक प्रदान करिन।
