कलेक्टर डॉ. अय्याज तम्बोली ह करीस जांच रिपोट के पुष्टि
जगदलपुर 10 अपरेल 2020. कलेक्टर डॉ. अय्याज तम्बोली ह आज जगदलपुर शहर के वल्लभ भाई वार्ड म एक महिला के मृत्यु के संबंध म फैले भ्रम ल परखर करिन. वोकर बारे म कहे जाट रहिस के ओ ह कोरोना संदिग्ध हे जबकि अइसन नो हे. ओखर संदर्भ म कलेक्टर डॉ. अय्याज तम्बोली ह स्पष्ट करिस के महिला ल साँस लेहे के तकलीफ़ के सेती रात 3 बजे अस्पताल लाए गए रहिस, जेकर मृत्यु भिनसरहा हो गीस। अभी हाल के हालत ल देखके मृतिका के सैम्पल लेहे गए रहिस जेकर कोरोना टेस्ट रिपोट निगेटीव आए हे ।
जानबा हे के मृतिका के पुत्र अजमेर ले वापस आए रहिस प्रशासन ह ओखर घलोक कोरोना टेस्ट करवाए रहिस जेखर रिपोट निगेटीव रहिस। प्रशासन कोति ले महिला के निवास क्षेत्र ल एहतियात के तौर म भिनसरहा सील करे गए रहिस।
कलेक्टर तम्बोली ह काली ककनार ईलाका म होए एक बालक के मृत्यु के संदर्भ म कहिन के सम्बंधित के ट्रेवल हिस्ट्री हैदराबाद के रहिस ओला घलोक 3 अप्रेल तक आइसोलेशन म रखे गए रहिस, ओखर कोरोना टेस्ट रिपोट घलोक निगेटीव आए हे।
