जगदलपुर: शासकीय योजना के लाभ ले किसान ला मिलिस ट्रेक्टर अउ ट्राली

शासन के ढांहर ले अंतिम व्यक्ति तक लाभ पहुंचाये बर विभिन्न हितग्राहीमूलक योजना मन के संचालन करत हे। जागरूक हितग्राही शासकीय योजना मन के लाभ ले करके अपन आर्थिक विकास करत हावय इहीं जागरूक हितग्राही मे ले एक भीमा राम पोडियामी घलो हे। जो शासकीय योजना के लाभ लेके ट्रेक्टर, ट्राली अउ कृषि उपकरण प्राप्त करे हे। भीमा पोडियामी बस्तर जिले के दरभा तहसील अंतर्गत अत्यंत संवेदनीशील क्षेत्र म ग्राम मुण्डागढ़ के निवासी हरे। भीमा हा बताईस कि ऋण लेवे ले पूर्व वे खेती किसानी के काम करत रिहिस हे, खेती कार्य बईला मन के साथ करेल पढ़त रिहिस हे, जेखर सती फसल उगाये म देरी अउ दिक्कत के सामना करेल पड़त रिहिस, समय म ट्रेक्टर ट्राली उपलब्ध नई होये के कारण खेती काम म विलम्ब होवत रिहिस। साथ ही कृषि कार्य म ट्रेक्टर ट्राली के अभाव म कृषि लागत घलो ज्यादा लागत रिहिस।
ओंहा बताईस कि एक दिन जिला अंत्यावसायी ले लाभान्वित हितग्राही अउ सामाचार पत्र मन म ऋण सुविधा योजना के जानकारी प्राप्त होईस। जिला अंत्यावसायी सहकारी विकास समिति जगदलपुर कार्यालय म उपस्थित होके ओंहा आवेदन प्रस्तुत करीस, उक्त आवेदन पत्र ला जिला स्तरीय चयन समिति के बैठक म चयन करे गीस अउ 02 वर्ष पहली मुख्यमंत्री के करकमल ले ट्रेक्टर ट्राली अउ अन्य कृषि उपकरण हेतु ऋण प्राप्त होईस। वर्तमान म मोर वाहन के उपयोग गांव के अन्य किसान मन के ढांहर ले खेती काम म करे जात हे।