दक्षिण कोरिया के कोरिया इंटरनेशनल ट्रेड एसोसिएशन (KITA) ले मुख्यमंत्री विष्णुदेव साय करिन सार्थक मुलाकात

रायपुर, छत्तीसगढ़ के मुख्यमंत्री श्री विष्णुदेव साय ह आज सियोल म दक्षिण कोरिया के सबले बड़े व्यापार संगठन कोरिया इंटरनेशनल ट्रेड एसोसिएशन (KITA) के चेयरमैन श्री जऊन सिक युन अऊ वाइस प्रेसिडेंट श्री किम के ह्यून ले मुलाकात करिन। 77,000 ले जादा सदस्य वाला ये संगठन एशिया के अगुवा व्यापारिक मंच ये।  ए बेरा म मुख्यमंत्री श्री साय ह छत्तीसगढ़ के औद्योगिक नीति 2024–30, प्राकृतिक संसाधन  अऊ कुशल मानव संसाधन के ताकत ल रेखांकित करत  निवेश, तकनीकी हस्तांतरण अऊ स्किलिंग के क्षेत्र म संभावना मन उपर म विस्तृत चर्चा करिन। मुख्यमंत्री श्री साय ह कहिन के “दक्षिण कोरिया के संग हमार संबंध केवल व्यापारिक भर नई हे भलुक सांस्कृतिक अऊ ऐतिहासिक घलोक हे। आज के ए संवाद ले छत्तीसगढ़ अऊ कोरिया के बीच निवेश, तकनीकी सहयोग अऊ कौशल विकास के नवा दुवारी खुलही। एखर से छत्तीसगढ़ के युवा मन ल आधुनिक उद्योग मन म अवसर प्राप्त होही अऊ प्रदेश के औद्योगिक विकास ल गति मिलही।”