दुर्ग: जल जीवन मिशन अंतर्गत हर घर नल जल ग्राम घोषित

दुर्ग, ग्राम चिरपोटी दुर्ग जिला के विकासखंड दुर्ग ले लगभग 25 किलोमीटर दुरिहा स्थित हे। ग्राम चिरपोटी म जनसंख्या लगभग 1956 हे, जेमां कुल 450 कुटुंब हे, लगभग 35 कुटुंब एसी, 55 कुटुंब एसटी अउर 360 कुटुंब ओबीसी हे। ग्राम चिरपोटी म पेयजल के व्यवस्था के रूप म 15 हैंडपंप हे जेमां ले सबो हैंडपंप संचालित हे, फेर गरमी के दिन म अधिकतर हैंडपंप के जल स्तर निचे गिर जाय के सेती सूखा के स्तिथि उत्पन्न हो जात रहिस। ग्रामवासी पेयजल बर ग्राम ले बाहिर हैंडपंप अऊ कूवां ले पेयजल के पूर्ति करत रहिन। ए प्रकार ग्रीष्मकाल म ग्राम के महिला मन ल बहुत परेशानी के सामना करना पड़ता रहिस।
पेयजल समस्या निदान बर जल जीवन मिशन के तहत काम के शुरूवात पेयजल के समस्या के समाधान बर माननीय प्रधानमंत्री श्री नरेंद्र मोदी जी ह स्वतंत्रता दिवस 2019 म जल जीवन मिशन के घोषणा करके काम के शुरूवात करवाइन। जल जीवन मिशन के अन्तर्गत ग्राम चिरपोटी म सबो घर ल प्रधानमंत्री जी के ए योजना ले जोड़े गीस। जल जीवन मिशन के आए के बाद हर घर नल ले जल मिले लगे हे। ग्रामवासी महिला मन ल ए योजना ले मिलत हे राहत। ग्राम चिरपोटी दुर्ग विकासखंड के पहला गांव बने हे जेमां जल जीवन मिशन के काम पूर्ण होय हे अऊ ग्राम चिरपोटी हर घर जल ग्राम घोषित होय हे।