– पंचायत भवन म स्थानीय अमला ल बताइन अवइया दू महीना के प्लान
– कहिन मनरेगा अऊ नरवा, गरुवा, घुरूवा बाड़ी योजना के प्रभावी क्रियान्वयन उपर रखव पूरा नजर
– गौठान घलोक देखिन, कहिन के गौठान आजीविका केंद्र के जइसे करव काम, एखर बर स्थानीय जरूरत के मुताबिक स्वसहायता समूह मन ल करव प्रशिक्षित
दुर्ग 17 अप्रैल 2020। मानसून के पहिली के दू महीना ग्रामीण विकास के योजना मन के प्रभावी क्रियान्वयन बर अड़बड़ महत्वपूर्ण होही। एखर बर जिला प्रशासन ह रणनीति बनाए हे। स्थानीय अमला तक ये संदेश बने सहिन जावय अऊ एखर से फीडबैक लेके अवइया 2 महीना म बड़े काम करे जा सकय। ये उद्देश्य ले जिला पंचायत सीईओ श्री कुंदन कुमार ह आज भिनसरहा कई ग्रामीण क्षेत्र मन के व्यापक दौरा करिन। सीईओ दुर्ग जनपद के ग्राम पंचायत अरसनारा, ननकट्टी, धमधा ब्लॉक के राजपुर अउ बिरझापुर पहुंचिन।
