धमतरी : मालती यादव अउ समूह के महिला मन ब डेयरी व्यवसाय बनिस लाभ के जरिया

डेयरी व्यवसाय ले जुड़ के महिला मन के जीवन म आईस खुशहाली
धमतरी, छत्तीसगढ़ सरकार के महत्वाकांक्षी योजना नरवा, गरवा, घुरवा अउ बाड़ी के तहत प्रदेश के सब्बो जिला, प्रमुख गांव मन म गौठान स्थापित कर ग्रामीण के आय म वृद्धि कर आत्मनिर्भर बनाए के काम करे जाथ हे। जिला प्रशासन कती गौठान ल आजीविका केन्द्र के रूप म विकसित कर ओमा गोबर पेंट निर्माण, गोबर खरीदी, खाद निर्माण, मुर्गी पालन, बकरी पालन, पशुपालन, सब्जी उत्पादन, पोल निर्माण, फैंसिंग तार, आचार, पापड़, बड़ी इत्यादि गतिविधि संचालित करे जाथ हे। कुरूद विकासखण्ड के गातापार गौठान म डेयरी इकाई के स्थापना कर समूह के महिला मन ल ए काम ले जोडे़ गय हे। डेयरी इकाई अउ पशुपालक आमतौर म ग्रामीण किसान अउ कम पढ़े लिखे पशुपालक के बुता माने जाथ रहिस हे लेकिन अब अइसे नई हे। डेयरी इकाई अउ पशुपालन म नौकरीपेशा, इंजीनियर, डॉक्टर अउ एमबीए पेशेवर युवक घलो सरलग अपन किस्मत अजमात हे। डेयरी इकाई के क्षेत्र म कुरूद विकासखंड के ग्राम पंचायत गातापार के कामधेनु महिला अभिरूचि स्वसहायता समूह के 11 सदस्य दुग्ध उत्पाद के माध्यम ले क्षेत्र म बुता करत हे। कामधेनु महिला अभिरूचि स्वसहायता समूह कती ले महात्मा गांधी राष्ट्रीय ग्रामीण रोजगार गारंटी योजना अंतर्गत 9.26 लाख रूपिया अउ रूर्बन मिशन अंतर्गत 10.77 लाख रूपिया के प्रशासकीय स्वीकृति ले निर्मित गौठान म डेयरी इकाई स्थापित करे गए हे। जिहां पशुधन विकास विभाग कती ले साहिवाल, एचएफ, गिल, जर्सी नस्ल के 10 गाय अउ 06 बछडा दिये गये रहिस हे।
    कामधेनु महिला अभिरूचि महिला समूह के अध्यक्ष श्रीमति मालती यादव ह बताइस कि डेयरी के व्यवसाय अब लाभ के व्यवसाय बन गय हे। गौठान म स्थापित 2-3 महीना म 22 सौ लीटर दुग्ध उत्पादन कर 61 हजार 824 रूपिया म विक्रय करे गया हे। एकर अलावा महिला मन ल आत्मनिर्भर बनाए ब निर्मित गौठान म वर्मी टैंक, नाडेप टैंक, कोटना, बकरी शेड, मुर्गी शेड एसएचजी शेड के निर्माण कराय गय हे। संग म पशुपालन विभाग कती ले राष्ट्रीय कृषि विकास योजना अंतर्गत दुधारू पशु मन ब हरियर चारा के घलो उत्पादन करे जाथ हे। गौठान म स्थापित डेयरी ले गाय के शुद्ध ताजा दूध मांग अनुसार लोग मन तक पहुंचात हे। गांव म पहिली के अपेक्षा उत्पादित दूध के माँग ह बाढ़त हे। एकर से बढ़िया आमदनी के संग समूह म संपन्नता आइस हे।