प्रदेश व्यापी पोषण महिना अभियान शुरू 

मंत्री श्रीमती भेंडिया ह सुपोषण रथ मन ल हरी झंडी देखाके करिस रवाना।
रायपुर, छत्तीसगढ़ ल कुपोषण मुक्त करे बर राष्ट्रीय पोषण महिना अभियान के तहत प्रदेश म पोषण महिना अभियान काल ले शुरू होईस हे। ये अभियान 30 सितमबर तक चलही। महिला अउ बाल विकास मंत्री श्रीमती अनिला भेंडिया ह काल स्थानीय वन काॅलोनी ले सुपोषण रथ मन ल हरी झंडी देखाके प्रदेश के कई ठन जिला मन बर रवाना करिस। ये मौका म विभागीय सचिव श्री सिद्धार्थ कोमल सिंह परदेशी, आयुक्त श्री जनमेजय मोहबे अउ विभाग के वरिष्ठ अधिकारी अऊ बड़ संख्या म आंगनबाड़ी कार्यकर्ता उपस्थित रहिन। मंत्री श्रीमती भेंडिया ह ये अभियान ल ’’घर-घर पोषण व्यवहार अपनाबो, सुपोषित छत्तीसगढ़ बनाबो’’ के नारा देहे हे। सुपोषण रथ छत्तीसगढ़ के कई जिला के गांव मन अऊ आंगनबाड़ी केन्द्र मन म जाके कुपोषण दूर करे के संबंध म जन-जागरूकता लाय के काम करही। एखर तहत शिशु ल पहिली एक हजार दिन तक देहे जाय वाले भोजन, एनीमिया, डायरिया ले बचाव, हाथ धुलाई अऊ स्वच्छता के बारे म गांव वासियों ल बताए जाही अऊ कुपोषण दूर करे बर प्रेरित करे जाही।