खैरागढ़, उमर करीबन 62 साल। शरीर म अतका शक्ति नइ रहिस कि जीविकोपार्जन बर जद्दोजहद करय या मकान बनाए बर पइसा सकेल सकय। वो बताथे कि – “में, मोर पति, एक नाबालिक लइका अउ परित्यक्ता बेटी के संग एक कुरिया म रहत रहेन। एके कुरिया म चारो सदस्य नरकीय जीवन जीयत रहेन।
अइसे बतावत जनपद पंचायत खैरागढ़ के केशरी टंडन ह कहिस कि – “साहब! का बतावन….जुग जुग जीये हमर सरकार जेकर किरपा ले हमर प्रधानमंत्री आवास निर्माण योजना के अंतर्गत हमार मूड़ म एक छत बन गे।” ग्राम आमदनी म रहइया केशरी बाई टंडन के ये बात बतावत वोखर आंखी ले आंसू गिरे लागिस। ओ ह बताईस कि जब घर के काम लेंटर तक पहुंचे रहिस, उही समय पति पन्ना लाल टंडन के मृत्यु हो गे। मोर जम्मो सामरथ जवाब दे देहे रहिस, घर ल आगू बनाए के हिम्मत नइ होवत रहिस, फेर प्रधानमंत्री आवास के पइसा मोला किश्त म मिलत रहिस अऊ देखतेच देखत मोर सुंदर घर बन गे। मोला उज्ज्वला योजना के अंतर्गत गैस कनेक्शन घलोक मिलीस, जेखर नियमित उपयोग खाना बनाए म करथंव। सच कहंव त ये पूरा योजना ह मोर जिंदगी बदल के रख दीस
प्रधानमंत्री आवास: छितका कुरिया हा, अब मोर छत वाले महल बन गे
