मनरेगा ले बने तालाब किसान खातिर बनिस सिंचाई अउ आजीविका के साधन

बलौदाबाजार, महात्मा गांधी राष्ट्रीय ग्रामीण रोजगार गारंटी अधिनियम के तहत ग्रामीण क्षेत्र म मनखे मन ल रोजगार मिलत हे संगेच स्थाई परिसम्पत्ति के निर्माण तको होवत हे अऊ आजीविका के साधन घलोक उपलब्ध होवत हे। मनरेगा के तहत बने क़ृषि तालाब बलौदाबाजार-भाटापारा जिला के विकासखंड सिमगा अंतर्गत ग्राम अडबंधा के किसान सोमित साहू बर सिंचाई के सुविधा अउ आजीविका के साधन बन गए हे।
विकासखंड सिमगा अंतर्गत ग्राम अडबंधा म मनरेगा के तहत करीब ढाई लाख रूपिया के लागत ले गांव वाले मन बर करीब 600 वर्गमीटर क्षेत्रफल म पहिली कृषि तालाब के निर्माण करे गए हे। ए काम बर ग्राम पंचायत ल ही कार्य एजेंसी बनाय गए रहिस। कृषि तालाब के निर्माण ले जल संचयन के संगेच आन व्यक्ति मन ल कृषि तालाब निर्माण कराए म रूचि बाढत गीस। कृषि तालाब म मछली पालन म अकतहा आमदनी उपर विशेष रूचि लेहे जात हे।
किसान सोमित साहू ह बताइस के पहिली वोकर तिर आजीविका के साधन उपलब्ध नइ होए के सेती जीविकोपार्जन म वोला कठिनाई होत रहिस।  कृषि तालाब म मछली पालन करे ले अकतहा आमदनी ले परिवार के आय बाढ़े लगे हे अऊ फसल मन के सिंचाई होए के सेती आय म बढ़ोतरी होए हे। मनरेगा ले बने तालाब के सेती मोर जीवन म बदलाव आए हे अऊ मोला रोजी-रोजगार बर भटकना नइ परत हे।