मनेंद्रगढ़ : रीपा ह देखईस समूह के दीदी मन ल आत्मनिर्भरता के डहर

तियार होवत हे स्टेशनरी सामग्री
मनेंद्रगढ़, 14 जुलाई 2023
प्रदेश सरकार महात्मा गांधी ग्रामीण औद्योगिक पार्क (रीपा) के माध्यम से राज्य के महिला अउ युवा ल रोजगार के संग म उद्यमी ल अवसर देहे के काम करत हे। ए प्रयास ले लोगन मन आर्थिक रूप ले सशक्त होवत हे। रीपा म स्थानीय संसाधन के उपलब्धता वाले व्यवसाय ल बढ़ावा दिए जाथ हे। ग्रामीण क्षेत्र म आजीविका मूलक गतिविधि ले पर्याप्त रोजगार घलो सृजित होवत हे।
एमसीबी जिला के परसगढ़ी गांव के रीपा म काम करोइया दीदी मन स्टेशनरी सामग्री बनाए के बुता करत हे। रीपा म स्टेशनरी.प्रिंट यूनिट स्थापित करे गए हे जेमा शिव महिला स्व.सहायता समूह ग्राम सांकरा के 10 झन दीदी मन कार्यरत हे। समूह के अध्यक्ष श्रीमती रनिया सिंह ह बताइस कि उमन विभिन्न स्टेशनरी उत्पाद जईसे कॉपी, रजिस्टर, डायरी अउ फ़ाईल पेड बनात हे। रीपा म तियार उत्पाद ल सरकारी अउ ग़ैर सरकारी कार्यालय, स्कूल अउ आश्रम मन म मांग अनुसार उपलब्ध कराय जाही। ओ ह बताइस कि हमन ह लगभग 250 नग कॉपी अउ 250 नग फाइल पेड तियार कर लिए हे। बुता ह सरलग चलत हे। समिति के सचिव श्रीमती सुमित्रा सिंह ह बताइस कि ए यूनिट ल थोकन दिन पहिली ही स्थापित करे गए हे। तेकर ब उमन एकर बढ़िया मार्केटिंग घलो करत हे जेकर से लोगमन ल एकर जानकारी मिलय अउ उमन ल जादा से जादा आर्डर मिल सकय। उमन के प्रयास से स्थानीय बजार अउ कार्यालय ले बढ़िया प्रतिसाद मिलत हे अउ उत्पाद के गुणवत्ता ल लेके घलो सराहना होइस हे। समिति के सदस्य के कहना हे कि रीपा के माध्यम ले ग्रामीण अर्थव्यवस्था ल घलो गति मिलिस हे। समूह के सदस्य मन ह ए पहल ब राज्य सरकार के आभार घलो जतईस हे।
Success story
Neha Rathore