महतारी वंदन योजना ले सरोज बनिस आत्मनिर्भर, ए साल तीजा के परब बनिस खास

कबीरधाम, मुख्यमंत्री श्री विष्णुदेव साय के सरकार के महतारी वंदन योजना ले महतारी मन ल हर महीना सीधा खाता म आर्थिक सहायता मिलत हे, जेखर सेती आज महिला मन आत्मनिर्भर बन गे हे। कबीरधाम जिला के ग्राम चिमरा के महिला श्रीमती सरोज साहू के जीवन म ए पइत तीजा के तिहार खास बन गए हे। कुछ समय पहिली तक सरोज ल घर के छोटे-छोटे खरचा बर घलोक अपन पति ले पइसा मांगत रहिस। आन गांव जाना होवय या लइका मन के पढ़ई बर जरूरी खरचा, हर पइत ओ ल अगोरा करना परत रहिस। फेर जब ले मुख्यमंत्री श्री विष्णुदेव साय के सरकार ह महतारी वंदन योजना शुरू करिस, वोखर जिंदगी बदल गे। अब पइसा सीधा वोखर खाता म आत हे, जेखर से ओ ह बिना कोनो रोक-टोक के अपन जरूरत पूरा कर पात हे।
श्रीमती सरोज साहू ए तीजा म खास खुशी ले झूमत हे। कुछ समय पहिली तक तीजा के तिहार वोखर बर केवल घर-परिवार तक सीमित रहिस, फेर महतारी वंदन के राशि ले ए पइत वो ह तीजा के अवसर म अपन बर श्रृंगार के सामान, मइके वाले मन बर मिठई अऊ लइका मन बर खई-खजाना बिसाइस। सरोज के चेहरा के चमक अऊ आत्मविश्वास ए बात के प्रमाण हे कि आज ओ ह आर्थिक रूप ले सक्षम हे। तीजा के तिहार अब वोखर बर केवल धार्मिक अऊ पारंपरिक परब भर नो हे, बल्कि आर्थिक आत्मनिर्भरता अऊ महिला सशक्तिकरण के उत्सव बन गए हे।