महासमुंद, मुख्यमंत्री श्री भूपेश बघेल के महत्वाकांक्षी योजना मुख्यमंत्री हाट बाजार क्लिनिक योजना ले दूरस्थ अंचल के क्षेत्र के लोग मन ल ओमन के क्षेत्र तक चिकित्सा सुविधा उपलब्ध होवत हे, संगे म लोगन मन ल बेरा कुबेरा दवाइ अउ इलाज के सुविधा मिलत हे। मुख्य चिकित्सा अउ स्वास्थ्य अधिकारी ह बतइस कि 1 अप्रैल ले 31 मार्च 2023 तक जिला के ग्रामीण क्षेत्र म लगे वाले 84 साप्ताहिक हाट बजार म 4001 घ स्वास्थ्य विभाग कती ले चिकित्सा शिविर लगा के अलग-अलग बीमारी के जांच अउ परीक्षण कर 3 लाख 31 हजार 800 पीड़ित लोग मन के स्वास्थ्य परीक्षण कर उपचार करे गइस हे।
एकर संग म 2 लाख 71 हजार 247 मरीज ल दवाई घलो दिए गए हे। जेमा सबले जादा उक्त रक्तचाप के 1,19,420 अउ मधुमेह के 1,15,586 लोगन मन के जांच करे गईस अउ संबंधित मन ल जरूरी दवाइ निःशुल्क दीए गईस। पहिली जानकारी अउ शिक्षा के अभाव म सुदूर इलाका के ग्रामीण तिर तखार के बैगा गुनिया अउ सिरहा करा झाड़ा-फूंका कर के अपन इलाज करवात रहिस हे सही इलाज के अभाव म ओमन के मृत्यु तक हो जाथे। ओ दूर-दराज के ग्रामीण क्षेत्र के लोग मन ब मुख्यमंत्री हाट बजार क्लिनिक योजना अब बेहद लाभप्रद सिद्ध होवत हे।
महासमुंद : मुख्यमंत्री हाट बाजार क्लिनिक योजना : पिछले वित्तीय वर्ष म 3 लाख 31 हजार 800 पीड़ित लोग मन के स्वास्थ्य परीक्षण कर करे गईस उपचार
