महिला मन अऊ लइका मन के स्वास्थ्य अऊ पोषण के लीन जानकारी
रायपुर, महिला अऊ बाल विकास अऊ समाज कल्याण विभाग मंत्री श्रीमती अनिला भेंड़िया आज नक्सल प्रभावित बस्तर जिला के करंजी गांव के दौरा करिन। उमन आंगनबाड़ी कार्यकर्ता मन ले मिलके लइका मन अऊ महिला मन के स्वास्थ्य अऊ पोषण के संबंध म जानकारी लीन। श्रीमती भेंड़िया ह आंगनबाड़ी कार्यकता मन ले कहिन कि राज्य सरकार कुपोषण खतम करे बर अभियान चलावत हे, ये अभियान म कुपोषण खतम करे बर पूरा मन ले काम करव।
श्रीमती भेंड़िया ह गांव वाले मन ले घलोक बातचीत करके उंखर से सरकारी योजना मन के लाभ मिले के जानकारी लीन। उमन गांव वाले मन ले सबो मनखे मन के नवा राशन कार्ड बने के बारे म पूछताछ करिन। उमन गांव के सरपंच ले कहिन कि कोनो ग्रामीण राशन ले वंचित ना रहय। उमन नवा राशन कार्ड बनाए ले छूटे मनखे के पता लगाके लउहे राशन कार्ड बनाए के निर्देश दीन। उमन ग्रामीण लइका मन ले बात करके स्कूल जाय के बारे म पूछिन अऊ स्कूल नइ जात लइका मन बर पढ़ाई शुरू कराए संबंधी निर्देश दीन। ये बेरा म सांसद श्रीमती छाया वर्मा, पूर्व विधायक श्रीमती प्रतिमा चंद्राकर संग जनप्रतिनिधि उपस्थित रहिन।
