कोरिया मिलेट्स कैफे ह एक महिना म अर्जित करिस 2 लाख रूपिया के शुद्ध लाभ
12 महिला समेत 18 झन ल मिलिस रोजगार, एक महिना म 2 लाख रूपिया के लाभ
लोग मन ल लुभावत हे मिलेट्स ले बने स्वादिष्ट व्यंजन, रीपा केंद्र म बनाए जाए वाले उत्पाद के घलो विक्रय
रायपुर, मुख्यमंत्री श्री भूपेश बघेल के निर्देश म छत्तीसगढ़ के पारंपरिक फसल ल बढ़ावा देहे अउ प्रदेश म कुपोषण के दर ल कम करे के उद्देश्य ले मिलेट मिशन योजना के शुरूआत करे गए हे। संयुक्त राष्ट्र संघ ह वर्ष 2023 ल ‘अंतरराष्ट्रीय मिलेट्स वर्ष’ के रूप म मनाए के निर्णय लिए हे। संग म छत्तीसगढ़ शासन कती ले मिलेट्स ले बने व्यंजन ल लोगन मन के थाली तक पहुँचाए के उद्देश्य ले राज्य के जम्मो जिला म मिलेट्स कैफ़े खोले जाए ब प्रोत्साहित करे हे। योजना के अंतर्गत राज्य के प्रत्येक जिला म मिलेट्स कैफे के शुरूआत करे जाथ हे। योजना के अंतर्गत कोरिया जिला म घलो 10 मई ले कोरिया मिलेट्स कैफे के संचालन शुरू करे गय हे। संचालन के एक महीना के भीतर म ही कोरिया मिलेट्स कैफे ह सफलता के नवा कीर्तिमान रच दिए हे।
कोरिया मिलेट्स कैफे ह 12 महिला मन के संग म कुल 18 लोग मन ल रोजगार उपलब्ध कराय हे अउ एमन के सामुहिक प्रयास ले कैफे ल एक महिना म ही 2 लाख रूपिया के शुद्ध लाभ होइस हे।
कोरिया मिलेट्स कैफ़े कोरिया जिला म ज्वार, बाजरा, रागी, झंगोरा, बैरी, कंगनी, कुटकी (लघु धान्य), कोदो, चेना (चीना), सामा या सांवा, कुटकी अउ जौ आदि मिलेट ले बने लजीज ब्यंजन जइसे डोसा, चीला, इडली, खीर, गुलाबजामुन, कूकीज, के स्वाद लेहे क4 एक मात्र स्थान हे। ए कैफे ल शुरू होए के पहिली दिन ले ही लोंगन मन ब आकर्षण के केंद्र बन के उभरे हे । इहां आए वाले उपभोक्ता मन ब मिलेट्स के स्वादिष्ट ब्यंजन के संग बइठे के बेहतरीन ब्यवस्था, उत्तम सर्विस अउ सेल्फी प्वाइंट के घलो प्रबंध करे गय हर। कैफे म हफ्ता के हर सनिच्चर के म्यूजिक नाईट प्रोग्राम करे जाथे जेकर सेती लोग मन ईहां आ के अपन आउटिंग ल मजेदार अउ खुशनुमा बनाथे।
कोरिया मिलेट्स कैफ़े के संचालन रोशनी महिला स्व-सहायता समूह कती ले करे जाथ हे।
