मुंशी प्रेमचंद जयंती : आम जन-जीवन के पीरा ल साहित्‍य म रचिस मुंशी प्रेमचंद – श्री बघेल

रायपुर, मुख्यमंत्री श्री भूपेश बघेल ह मुंशी प्रेमचंद जयंती 31 जुलाई के अवसर म प्रदेशवासी मन ल बधाई दिए हें। उमन मुंशी प्रेमचंद (श्री धनपतराय श्रीवास्तव) के साहित्य म योगदान ल सुरता करत कहिन कि उपन्यास सम्राट मुंशी प्रेमचंद ह आम आदमी के दुख दर्द ल अपन साहित्य म उतारे हें। उंखर ज्यादातर रचना मन आम आदमी के गरीबी अऊ बेबसी के यथार्थ चित्रण ये। उमन सांप्रदायिकता, भ्रष्टाचार, जमींदारी, कर्जखोरी, गरीबी, उपनिवेशवाद के बड़ कुशलता ले अपन साहित्य म वरनन करे हें। प्रेमचंद एक संवेदनशील लेखक रहिन जेमन सरल, सहज अऊ आम बोल-चाल के भाखा के उपयोग करिन अऊ अपन प्रगतिशील विचार के अमूल्य साहित्य के विरासत छोड़ गीन।