चहुमुंखी विकास, रोजगार, पर्यावरण, संवैधानिक मूल्य जइसे क्षेत्र मन म समकालीन नीति के अध्ययन करे ’पॉलिसी लेब’ बनाय जाही
मुख्यमंत्री श्री भूपेश बघेल के उपस्थिति म आज मंत्रालय म राजीव गांधी फाउण्डेशन नई दिल्ली अऊ छत्तीसगढ़ शासन के इलेक्ट्रॉनिक अऊ इन्फॉर्मेशन टेक्नॉलाजी विभाग के छत्तीसगढ़ इनफोटेक प्रमोशन सोसायटी के बीच एक अनुबंध पत्र (एम.ओ.यू.) म दस्खत करे गीस।
अनुबंध के तहत छत्तीसगढ़ म कई ठन चहुमुखी विकास, रोजगार म वृद्धि, पर्यावरण, प्राकृतिक संसाधन अऊ स्थिरता अऊ संवैधानिक मूल्य अऊ लोकतांत्रिक संस्थान संग कई ठन महत्वपूर्ण विषय अऊ क्षेत्र मन म समकालीन नीति के अध्ययन के दृष्टि ले ’पॉलिसी लेब’ बनाए जाही। अनुबंध पत्र म राजीव गांधी इंस्टूटीयूट फॉर कन्टेंम्प्रररी स्टडीज के डारेक्टर श्री विजय महाजन अऊ चिप्स के मुख्य कार्यपालन अधिकारी श्री देवसेनापति ह हस्ताक्षर करिस।
ये बेरा म छत्तीसगढ़ के मुख्य सचिव श्री सुनील कुजूर, अपर मुख्य सचिव श्री सी.के.खेतान, मुख्यमंत्री के प्रमुख सचिव श्री गौरव द्विवेदी, मुख्यमंत्री के सलाहकार सर्वश्री राजेश तिवारी, प्रदीप शर्मा, विनोद वर्मा, रूचिर गर्ग, राजीव गांधी फाउण्डेशन नवा दिल्ली प्रतिनिधि मंडल के संग आए ताईवान के सांसद अऊ पांच हजार उत्पादन के पेटेंट करे वाले सफल उद्यमी प्रो. यी-शी-चांग उपस्थित रहिन।
ये बेरा म छत्तीसगढ़ ल प्रौद्योगिकी अऊ इलेक्ट्रॉनिक उद्योग मन बर निवेश के विकल्प तलाशे अऊ राज्य म निवेश ल बढ़ावा देहे उपर चर्चा करे गीस। मुख्यमंत्री श्री भूपेश बघेल ह प्रतिनिधि मंडल ल छत्तीसगढ़ के प्राकृतिक, मानव संसाधन अऊ अधोसंरचना के जानकारी दीन अऊ राज्य म निवेशकों के स्वागत करिन।
ये बेरा म प्रतिनिधि मंडल के सदस्य प्रो. यी-शी-चांग ह इलेक्ट्रॉनिक क्षेत्र म ताईवान के प्रगति के जानकारी दीन। उमन बताइस कि इलेक्ट्रॉनिक उत्पाद मन के ताईवान के जी.डी.पी. म प्रमुख हिस्सा हे। अमेरिका के सिलिकॉन वेली म जिहां इलेक्ट्रॉनिक सर्किट आदि के डिजाईनिंग के काम प्रमुखता ले करे जात हे, उन्हें इलेक्ट्रॉनिक हार्डवेयर बनाए के काम ताईवान जइसे देश मन म जादा होवत हे। उमन छत्तीसगढ़ म इंटेलिजेंट पॉवर माड्यूलर (आई.पी.एम.) बनाए के प्रति अपन रूचि व्यक्त करिन अऊ बताइन कि ये दिशा म अभी हाले म तीसर जनरेशन चालू होवत हे। छत्तीसगढ़ म भविष्य म विकास के बिक्कट संभावना हे। उमन बताइन ये इलेक्ट्रॉनिक ब्रेन रूपी डिवाइस के उपयोग इलेक्ट्रिकल व्हीकल, सोलर पॉवर, पॉवर जनरेशन आदि म होथे, जऊन बहुत अकन इलेक्ट्रॉनिक उपकरण मन बर अड़बड़ जरूरी अऊ महत्वपूर्ण हे। मुख्यमंत्री ह कहिन कि भारत सरकार के पॉलिसी के दायरा म छत्तीसगढ़ म आए प्रस्ताव मन उपर विचार करे जाही। उमन ये संबंध म चिप्स अऊ उद्योग विभाग ल राज्य म इलेक्ट्रॉनिक के क्षेत्र म भविष्य के संभावना मन उपर अध्ययन करे के निर्देश दीन।
