- जनकल्याणकारी योजना मन के तहत 2 करोड़ रूपिया के हितग्राहीमूलक चीज मन के वितरण
- वन अधिकार, आजीविका सम्मेलन अउ अभिनंदन समारोह म सामिल होइन मुख्यमंत्री
रायपुर, मुख्यमंत्री श्री भूपेश बघेल 6 सितमबर के दिनल जिला मुख्यालय गरियाबंद म आयोजित वन अधिकार, आजीविका सम्मेलन अउ अभिनंदन समारोह म सामिल होइन। ये बेरा म मुख्यमंत्री श्री बघेल जिला के रहवईया मन ल 134 करोड़ 67 लाख 54 हजार रूपिया के 34 विकास कार्य के सौगात दीन। जेमा 114 करोड़ 35 लाख 19 हजार रूपिया के 28 लोकार्पण कार्य अउ 20 करोड़ 32 लाख 35 हजार रूपिया के 06 शिलान्यास कार्य सामिल हे। कार्यक्रम म मुख्यमंत्री के हाथ कई ठन योजना मन के तहत मनखे मन ल 2 करोड़ रूपिया लागत के हितग्राही मूलक समान अउ चेक तको बांटे गीस।
लोकार्पित होवइया विकास कार्य मन म लोक निर्माण विभाग अंतर्गत 56 करोड़ 78 लाख रूपिया लागत के 8 निर्माण काम सामिल हे। अइसनहे प्रधानमंत्री ग्राम सड़क योजना अंतर्गत 37 करोड़ 28 लाख रूपिया लागत के 11 काम, विद्युत विभाग अंतर्गत 33/11 के.व्ही डोंगरीगांव (मालगांव) एक करोड़ 73 लाख रूपिया, वन मंडल गरियाबंद कोति ले 4 तालाब अउर एक एनीकट निर्माण काम 50 लाख रूपिया लागत, रेशम विभाग अंतर्गत ग्राम पंचायत मालगांव के 10 हेक्टेयर क्षेत्र म 41 हजार टसर खाद्य पौधे अर्जुन के पौध रोपण लागत 11 लाख 65 हजार रूपिया, पुलिस विभाग कोति ले घर गृह निर्माण 17 करोड़ 78 लाख रूपिया, कृषि विज्ञान केन्द्र कोति ले छोटे उद्यानिकी नर्सरी लागत 15 लाख रूपिया के लोकार्पण करे गीस।
मुख्यमंत्री श्री भूपेश बघेल कोति ले शिलान्यास कार्य अंतर्गत लोक निर्माण विभाग के 3 करोड़ 13 लाख रूपिया लागत के 2 काम, जल संसाधन विभाग कोति ले 17 करोड़ 18 लाख रूपिया लागत के 4 विकास काम सामिल हे। समारोह म गृह मंत्री अउ जिला के प्रभारी मंत्री श्री ताम्रध्वज साहू, कृषि मंत्री श्री रविन्द्र चौबे, वन मंत्री श्री मोहम्मद अकबर, राजिम विधायक श्री अमितेश शुक्ल, जनपद अध्यक्ष श्रीमती चुम्मन बाई सोम, कलेक्टर श्री श्याम धावड़े, पुलिस अधीक्षक श्री एम.आर. अहीरे संग बड़ संख्या म गणमान्य नागरिक उपस्थित रहिन।
