मुख्यमंत्री श्री विष्णु देव साय ह सरदार वल्लभ भाई पटेल के जयंती के अवसर म ओ मन ल नमन करिन

रायपुर, मुख्यमंत्री श्री विष्णु देव साय ह आज जशपुर जिला के बगिया सीएम कार्यालय म देश के पहिली उपप्रधानमंत्री अऊ गृहमंत्री स्वर्गीय सरदार वल्लभ भाई पटेल के जयंती के अवसर म ओ मन ल नमन करिन। मुख्यमंत्री ह देश बर लौह पुरुष सरदार पटेल के योगदान ल सुरता करत कहिन के सरदार पटेल अपन देशभक्ति, दृढ़ इच्छाशक्ति अऊ साहस बर जाने जात रहिन। देश के स्वतंत्रता संग्राम म उंखर अग्रणी भूमिका रहिस। ए मौका म विधायक श्रीमती गोमती साय घलोक मौजूद रहीन।
मुख्यमंत्री श्री साय ह कहिन कि स्वतंत्रता संग्राम अऊ स्वतंत्र भारत के नवनिर्माण म सरदार पटेल जी के अविस्मरणीय भूमिका ल देखत उंखर स्मृति अऊ सम्मान म हर एक साल उंखर जयंती ल राष्ट्रीय एकता दिवस के रूप म मनाए जाथे। राष्ट्रीय एकता कोनो देश के शक्ति अऊ विकास के असली स्तंभ होथे। भारत विविधता के देश हे, जिहां हर क्षेत्र के अपन भाखा, संस्कृति अऊ परंपरा हे। उमन कहिन कि हम सबो के कर्तव्य हे कि एकजुट होके अपन प्रदेश अउ देश के प्रगति म अपन योगदान देवन।