मुख्यमंत्री ह प्रोफेसर डॉ. प्रभुदत्त खेड़ा के निधन म दुःख प्रकट करिन

रायपुर, मुख्यमंत्री श्री भूपेश बघेल ह अचानकमार के जंगल मन म बैगा आदिवासी लइका मन के शिक्षा बर लंबा समय ले काम करत प्रोफेसर डॉ. प्रभुदत्त खेड़ा के निधन म गहरा दुःख प्रकट करे हें। मुख्यमंत्री ह अपन ट्वीट संदेश म कहे हें कि अचानकमार के घने जंगल मन के बीच 30 साल तक कुटिया बनाके बैगा आदिवासी मनके बीच शिक्षा के उजियारा फैलइया, दिल्ली विश्वविद्यालय के प्रोफेसर डॉ. प्रभुदत्त खेड़ा के निधन के खबर सुनके मन दुखी हे। डॉ. खेड़ा त्याग, संकल्प अऊ निःस्वार्थ सेवा के प्रतिमूर्ति रहिन। श्री बघेल ह स्वर्गीय प्रोफेसर खेड़ा के शोक संतप्त परिवारजन के प्रति सहानुभूति प्रकट करत दिवंगत आत्मा के शांति बर ईश्वर ले प्रार्थना करे हें।