महतारी वंदन योजना के लाभार्थी महिला मन ह मुख्यमंत्री के प्रति जताइन आभार
कोण्डागांव जिला के ग्राम राणापाल म 41वां आईटीबीपी बटालियन के कैंप म मनाए गीस रक्षाबंधन के परब
रायपुर, 20 अगस्त 2024। कोण्डागांव जिला के मर्दापाल क्षेत्र के ग्राम राणापाल म 41वां आईटीबीपी बटालियन के कैंप म रक्षाबंधन के परब धूमधाम ले मनाए गीस। माओवाद ले प्रभावित ए क्षेत्र म तैनात जवान मन ल क्षेत्र के महिला मन ह राखी बांधके अपन मया अऊ मान परगट करिन। ए आयोजन म रक्षाबंधन के उत्सव न केवल भाई-बहिनी के मया के चिनहा बनिस, भलुक जवान मन बर अपन होए के संदेसा घलोक बगराइस। कार्यक्रम म महतारी वंदन योजना के लाभार्थी महिला मन ह घलोक जवान मन ल राखी बांधके उंखर मान बढ़ाइस। जानबा हे कि महतारी वंदन योजना अंतर्गत पात्र लाभार्थी महिला मन ल हर महीना एक हजार रुपिया मिलत हे।
