- राजस्व मंत्री ह के बस्तर संभाग के राजस्व प्रकरण मन के निराकरण के समीक्षा
रायपुर, राजस्व अऊ आपदा प्रबंधन मंत्री श्री जयसिंह अग्रवाल ह राजस्व प्रकरण मन के निराकरण म तेजी लाय के निर्देश राजस्व अधिकारी मन ल दिए हें। श्री अग्रवाल ह आज कलेक्टोरेट सभाकक्ष जगदलपुर म आयोजित बस्तर संभाग के राजस्व अधिकारी मन के बैठक म कहिन कि पाछू समीक्षा बैठक के तुलना म राजस्व प्रकरण मन के निराकरण म तेजी आए हे, फेर एला अऊ बनेच करे के जरूरत हे।
उमन कहिन कि राजस्व प्रकरण मन के निराकरण एक निरंतर प्रक्रिया हे, एला शून्य स्तर नइ लाए जा सकय, फेर जुन्ना लंबित प्रकरण मन के निराकरण प्राथमिकता ले करे जाना जरूरी हे, ताकि आम नागरिक मन ल अनावश्यक परेशानी झन होवय। बैठक म पूर्व सासंद श्रीमती करूणा शुक्ला, सचिव राजस्व अऊ आपदा प्रबंधन विभाग श्री एन.के. खाखा, कमिश्नर बस्तर संभाग श्री अमृत कुमार खलखो अऊ आयुक्त भू-अभिलेख श्री रमेश शर्मा विशेष रूप ले मौजूद रहिन।
