राज्य अऊ केन्द्र सरकार के बेहतर समन्वय ले छत्तीसगढ़ के होही तेजी से विकास : श्री मनोहर लाल

रायपुर, 10 जुलाई 2024। केन्द्रीय विद्युत अउ आवासन अऊ शहरी काम मंत्री श्री मनोहर लाल ह आज अपन रायपुर प्रवास के समय छत्तीसगढ़ म ऊर्जा अउ शहर म आवास अउ जनसुविधा विकसित करे खातिर होवत काम मन के समीक्षा करिन। उमन मंत्रालय म आयोजित बैठक म कहिन कि राज्य अऊ केन्द्र सरकार के बेहतर समन्वय ले छत्तीसगढ़ के तेजी से विकास होही। छत्तीसगढ़ म बिजली अऊ आवास ले संबंधित सबो आवश्यकता पूरा करे बर भारत सरकार कोति ले पूरा सहयोग करे जाही। उमन कहिन कि प्रधानमंत्री श्री नरेन्द्र मोदी के अगुवई म देश म बहुत अकन सुधारवादी कदम उठाए जात हे। जनआकांक्षा के मुताबिक काम करे जात हे। मुख्यमंत्री श्री विष्णु देव साय, उप मुख्यमंत्री श्री अरूण साव, केन्द्रीय आवासन अऊ शहरी काम राज्य मंत्री श्री तोखन साहू अऊ मुख्य सचिव श्री अमिताभ जैन घलोक समीक्षा बैठक म सामिल होइन।