रायगढ़ : जुनवानी म कड़कनाथ कुक्कुट पालन ले बाढ़ही आमदनी

रायगढ़, कृषि विज्ञान केंद्र रायगढ़ ह निकरा परियोजना अंतर्गत अंगीकृत ग्राम जुनवानी म खेती के संगे-संग अकतहा आमदनी बढ़ाय बर कड़कनाथ कुक्कुट पालन करवावत हे। परियोजना के साहेब आर.के.स्वर्णकार अऊ छोटका साहेब के डी महंत अउर वरिष्ठ मनोज साहू के विशेष प्रयास म ग्राम के चुने गए किसान मन ल कड़कनाथ के चिंया बांटे गीस अउर एखर रखरखाव अऊ व्यवसायिक प्रबंधन बर तकनीकी जानकारी देहे गीस। जेखर से ग्राम के लाभान्वित किसान मन ह ये पहल सहयोग बर ख़ुशी व्यक्त करिन। केंद्र के पशु पालन वैज्ञानिक डॉ एस.सी.पी सोलंकी ह कहिन कि एखर माँस मे मिलेनिन नाम के रंगद्रव्य होथे जेखर से एकर मांस करिया होथे। एखर त्वचा, चोच, टांग, पंजा अऊ तलवा गहरा भूरवा रंग के के होथे। कलगी, ललरी, लोलकी हल्का ले गहरा भूरवा या बैगनी रंग के होथे। एखर तीन किस्म जेट ब्लैक, पैन्सिल अउर गोल्डेन हे। एकर माँस विशिष्ट स्वाद वाला होथे।