रायपुर, 22 जून 2023
छत्तीसगढ़ के बस्तर अउ सरगुजा संभाग प्राकृतिक सौंदर्य अउ संपदा ले भरपूर हे। छत्तीसगढ़ के प्राकृतिक सौंदर्य अउ ऐतिहासिक धरोहर ल विश्व स्तर म पहुंचाए के उद्देश्य ले मुख्यमंत्री श्री भूपेश बघेल के बिसेस पहल म राज्य सरकार पर्यटन ल बढ़ावा देहे ब बीसेस प्रयास करत हे। इ कड़ी म बस्तर के पर्यटन ल बढ़ावा देहे छत्तीसगढ़ अउ सीमावर्ती राज्य ले 60 राइडर्स के मोटर बाइक सर्किट तियार कर ’देखो बस्तर सीजन 2-बस्तर ऑन बाइक’ आयोजन 18 अउ 19 जून के करे गय रहिस हे। ए आयोजन कांगेर घाटी राष्ट्रीय उद्यान कती ले छत्तीसगढ़ पर्यटन मंडल, जिला प्रशासन बस्तर अउ स्थानीय सहयोगी संस्था के मदद ले करे गइस। समापन कार्यक्रम म सांसद बस्तर श्री दीपक बैज शामिल होइस। ओ ह बस्तर के प्राकृतिक सुंदरता अउ सांस्कृतिक विरासत ल अतुलनीय बतात हुए राइडर्स मन करा बस्तर ल विश्व पटल तक पहुंचाए के अपील करिस।
कांगेर घाटी राष्ट्रीय उद्यान के निदेशक श्री धम्मशील गणवीर ह बताइस कि बस्तर ऑन बाइक के मुख्य उद्देश्य राइडर्स के माध्यम ले बस्तर के प्राकृतिक सुंदरता अउ पहुंच मार्ग, सड़क, सुविधा पर्यटक ल देखाना अउ पर्यटन ल बढ़ावा देना हे। राइडर्स 18 जून के दंतेश्वरी मंदिर जगदलपुर ले देखो बस्तर राइड के प्रारंभ करत हुए कुरंदी, गुमलवाड़ा, कोलेंग होत हुए तीरथगढ़ पहुंचिस। एकर बाद 19 जून के ओमन तीरथगढ़ ले कटेकल्याण होत हुए दंतेवाड़ा, बारसूर, कोरलापल के रास्ता चित्रकोट पहुंचिस। ए आयोजन के समापन समारोह म 19 जून के छत्तीसगढ़ पर्यटन बोर्ड कती ले वेलनेस टूरिज्म ल बढ़ावा देहे ब एक कार्यशाला के घलो आयोजन करे गईस। कार्यशाला म श्री विजय शर्मा ह मिलेट्स जईसे कोदो, कुटकी, रागी आदि के फायदा अउ पकवान के बारे म विस्तार ले जानकारी दीस।
Neha Rathore
रायपुर : पर्यटन ल बढ़ावा देहे ’देखो बस्तर सीजन-2 बस्तर ऑन बाइक’ के होइस आयोजन
