रायपुर, 21 मार्च 2024। लोकसभा आम निर्वाचन के तहत छत्तीसगढ़ म पहिली चरण के निर्वाचन बर काली २० तारक के अधिसूचना जारी हो गए हे। प्रदेश म पहिली चरण म बस्तर लोकसभा क्षेत्र म 19 अपरेल के मतदान होही। बस्तर लोकसभा क्षेत्र बर निर्वाचन के अधिसूचना जारी होए के संग ही काली ले उहां नामांकन दाखिला के प्रक्रिया शुरू होए हे। काली पहिली दिन कोनो प्रत्याशी मन नामांकन दाखिल नइ करे हें।
बस्तर लोकसभा क्षेत्र बर उम्मीदवार 27 मार्च तक अपन नामांकन दाखिल कर सकत हें। शासकीय अवकाश दिवस ल छोड़के कार्यालयीन दिवस म बिहनिया11 बजे ले मंझनिया तीन बजे तक नामांकन दाखिल करे जा सकत हे। मिले नामांकन पत्र के संवीक्षा 28 मार्च के करे जाही। उम्मीदवार 30 मार्च तक अपन नामाकंन वापस ले सकहीं।
