श्रमिक मन बर शुरू होइस 05 रूपिया म भरपेट भोजन के व्यवस्था
श्रम मंत्री श्री देवांगन ह बुधवारी बाजार म करिन शहीद वीर नारायण सिंह श्रम अन्न योजना के शुभारंभ
रायपुर, 17 जुलाई 2024। श्रम, उद्योग अउ वाणिज्य मंत्री श्री लखन लाल देवांगन ह आज कोरबा जिला के बुधवारी बजार म शहीद वीर नारायणसिंह श्रम अन्न योजना अंतर्गत निर्माण, संगठित अउ असंगठित वर्ग के श्रमिक मन बर 05 रूपिया म भरपेट भोजन के व्यवस्था बर दाल-भात केंद्र के शुभारंभ करिन। ये ह जिला के दूसरइया दाल भात केंद्र हे। ए बेरा म उमन अतिथि मन के संग खुदे श्रमिक मन के बीच जाके भोजन करिन अऊ श्रमिक मन ले अपील करिन के ओ मन ए दाल-भात केंद्र म आके भोजन अवश्य करयं। श्रम मंत्री ह ए बेरा म विभाग अंतर्गत संचालित योजना मन के जानकारी देवत कहिन के श्रम विभाग ले जुड़े कुल तीन मंडल अंतर्गत 72 योजना संचालित हे। प्रधानमंत्री श्री नरेन्द्र मोदी ह सबो योजना मन म हितग्राही मन ल सामान प्रदान करे के बजाय सीधा ऊंखर खाता म राशि देहे के पहल करे हें। एखर से हितग्राही मन ल सीधा लाभ पहुंचत हे। उमन कहिन मुख्यमंत्री श्री विष्णुदेव साय ह गरीब मन के कल्याण बर काम करत हें। श्रम मंत्री श्री देवांगन ह आगू कहिन कि श्रम विभाग के योजना श्रमिक मन बर हे। छत्तीसगढ़ के कोनो श्रमिक योजना मन ले वंचित झन रहय, ओ मन ल लाभ जरूर मिलय। श्रम मंत्री होए के नाते उंखर कोसिस हे कि कोरबा जिला के सबो श्रमिक योजना मन के लाभ उठावंय।
