रायपुर, 07 अगस्त, 2023
एनडीटीवी के कान्क्लेव म मुख्यमंत्री श्री भूपेश बघेल ह चरचा म कहिस
हमर सरकार ह जम्मो वर्ग के लोगन मन के आर्थिक विकास के योजना तियार करिस। न केवल छत्तीसगढ़ आर्थिक विकास के डहर म आघू बाढ़ीस फेर छत्तीसगढ़ के लोगन में गौरव भाव घलो बाढ़ीस हे ।
ए बात मुख्यमंत्री श्री भूपेश बघेल ह एनडीटीवी कती ले आयोजित छत्तीसगढ़ कान्क्लेव म कहिस। मुख्यमंत्री ह ए बेरा चर्चा में कहिस कि हमन नरवा, गरूवा, घुरूवा, बाड़ी योजना के माध्यम ले ग्रामीण क्षेत्र म आर्थिक विकास के ठोस नींव रखेन। मुख्यमंत्री ह कहिस कि हमन 13 हजार नाला रिचार्ज करेन। जिहां भी ए काम होइस, 7 सेमी ले 13 सेमी तक जलस्तर बाढ़ीस हे। गरुवा योजना में गौ संरक्षण म काम करेन। 1 लाख 56 हजार हेक्टयर खेत सुरक्षित करेन। गौठान में मुर्गी पालन, मत्स्यपालन जइसे दूसर गतिविधि सुरू करेन। 2 लाख ले जादा महिला मन ल रोजगार मिलिस। हमार आधा ले जादा गौठान स्वावलंबी हो गए हे। नक्सली घटना के कारन हमार अनेक स्कूल बंद हो गए रहिस। हमन जगरगुंडा जईसे जघा में स्कूल फेर से सुरू करवाएन। 1100 करोड़ रुपिता के लागत ले स्कूल के जीर्णाेद्धार प्रावधान म रखे गइस। स्कूल के पोताई गोबर ले बने प्राकृतिक पेंट ले करे गईस। हमन स्वामी आत्मानंद इंग्लिश मीडियम स्कूल सुरू कराएन।
स्वास्थ्य सुविधा के बारे में जानकारी देत हुए कहिस कि स्वास्थ्य म सब पद भरे हुए हे। पहिली सर्जरी ब बाहिर जाए ब लगय। अब जिला म ही हो जाथे। ईहां हाट बजार में जाए के परंपरा हे। हमन एकर लाभ उठाएन अउ उहें इलाज के सुविधा देहेन।
नक्सल प्रभावित क्षेत्र के बात करबो त आप कहत ह कि हिंसा कम होइस हे। मुख्यमंत्री ह कहिस कि पहिली अरनपुर जाए हर ही कठिन रहिन। हमन लोगन मन के विश्वास जीते हन। लोगन मन ल सुविधा दिए हन।आदिवासी मन के जमीन वापस करे हन। वनाधिकार पट्टा दिए हन। वनोपज बिसायेन। हमन कोदो कुटकी के समर्थन मूल्य घोषित करेन।
भारत के सबले बडे़ मिलेट ले प्लांट हमार इहां लगे हे। अब समर्थन मूल्य घोषित होइस त लोगन मन ल लाभ होइस। इंग्लैंड में हमार महुआ जाथ हे। हमन देवगुडी के जीर्णाेद्धार करेन। घोटुल के जीर्णाेद्धार करेन। बस्तर में सांस्कृतिक समृद्धि अबड़ हे एला सहेजे म हमन काम करत हन।
राज्य के संपदा में व्यक्ति के अधिकार हे। तेजी से महंगाई बाढ़त हे । अइसे म लोगन मन के महंगाई ले सुरक्षा करना घलो जरूरी जे। लोगन मन ल आर्थिक रूप से मजबूत करना हे । व्यापारी वर्ग के सम्मेलन म मोला कहे गइस कि आपके योजना मजदूर, किसान मन ब हे एकर से हमन ल का फायदा मिलिस। मैं ह कहें कि मैं आपके ग्राहक के जेब में ही त पइसा डाले हव। देश भर में कोरोना ले आर्थिक मंदी आईस। छत्तीसगढ़ एकर से अछूता रहिस। कान्क्लेव के प्रस्तोता ह मुख्यमंत्री ले गेड़ी सिखाए के आग्रह करिस अऊ मुख्यमंत्री ह ओला गेड़ी चढ़ के सिखाइस।
