रायपुर, श्री भूपेश बघेल प्रदेश 3 सितमबर के राज्य दू अऊ नवा जिला मन के शुभारंभ करहीं। एखर संगेच राज्य के 30 वां जिला सारंगढ़-बिलाईगढ़ अऊ 31 वां जिला के रूप म खैरागढ़-छुईखदान-गंडई अस्तित्व म आ जाही। छत्तीसगढ़ राज्य बर ये अड़बड़ महत्वपूर्ण उपलब्धि हे कि दू दिन के अंतराल म तीन नवा जिला मन के सौगात जनता ल मिलीस। ए नवा जिला मन के बन जाय ले शासन-प्रशासन के मनखे मन तक पहुंच अऊ मजबूत होही, जेखर से ए क्षेत्र मन म विकास काम मन ल तीव्र गति मिलही। मुख्यमंत्री श्री भूपेश बघेल सारंगढ़ अऊ खैरागढ़ म आयोजित कार्यक्रम के समय ये दुनों जिला मन के शुभारंभ करे के संग ही ए नवगठित जिला मन म विकास अऊ निर्माण काम मन बर 931 करोड़ 37 लाख रूपिया के सौगात देंहीं। मुख्यमंत्री श्री बघेल सारंगढ़-बिलाईगढ़ जिला के शुभारंभ अवसर म 512.29 करोड़ के विकास कार्य मन के भूमिपूजन अऊ 54.52 करोड़ के विकास कार्य मन के लोकार्पण करहीं, जबकि खैरागढ़-छुईखदान-गंडई जिला के शुभारंभ कार्यक्रम म 364 करोड़ 56 लाख रूपिया के विकास कार्य के सौगात के संग ही 213 हितग्राही मन ल शासन के कई ठन योजना के अंतर्गत 37 लाख 48 हजार रूपिया के सामान अऊ अनुदान सहायता राशि वितरण होही।
सारंगढ़-बिलाईगढ़ अऊ खैरागढ़-छुईखदान-गंडई जिला के शुभारंभ 3 सितमबर के मुख्यमंत्री श्री भूपेश बघेल करहीं उद्घाटन
