बिलासपुर। 2 मार्च 2020। लोक सेवा आयोग के डहर ले 2019 म ले गए सिविल जज के परीक्षा रद्द नई होय. आज छत्तीसगढ़ हाईकोर्ट म सुनवाई के बाद मुख्य न्यायधीश रामचंद्रन मेनन अउ पीपी साहू के डिविजन बेंच ह सिंगल बेंच के आदेश ल पलटत हुए ये आदेश जारी करे हे.
हाईकोर्ट ह पूर्व म ले गए परीक्षा ल सही बतात हुए मुख्य परीक्षा ले के आदेश पीएससी ल दिए हे. लेकिन एखर साथ ही कोर्ट ह पीएससी ल फटकार लगात ये भी कहे हे कि कार्यशैली संतुष्टि लायक नई हे, व्यवस्था सुधारव. दरअसल कोर्ट ह मामला म सुनवाई करत हुए ये 4 उम्मीदवार मन ल मुख्य परीक्षा म बैइठे के अनुमति दिए हे. सिविल जज के परीक्षा म पूछे गए सवाल मन म आपत्ति जतात हुए 9 छात्र मन ह कोर्ट म याचिका दाखिल करे रहिस।
आपमन ल बता देथन कि पूर्व म हाईकोर्ट के सिंगल बेंच ह सिविल जज के रिजल्ट ल निरस्त करत हुए परीक्षा रद्द करे के फैसला दे रहिस. ये फैसला के खिलाफ चयनित अभ्यर्थी ऋतुराज बर्मन अउ अन्य के डहर ले मुख्य न्यायाधीश के डिवीजन बेंच के समक्ष अपील प्रस्तुत करे गए रहिस।
