सुकमा। जिला के टोंडामरका म सुरक्षाबल अउ नक्सली मन के बीच होय मुठभेड़ म 6 नक्सली के मारे जाए के खबर मिले हे। सूत्र मन के हवाला ले एसपी भी ऐखर पुष्टि करे हे। पुलिस के दावा हे कि मुठभेड़ म एक दर्जन माओवादी घायल होय हे। पुलिस ल मौका ले केवल एक ही नक्सली के शव बरामद होय रहिस। गौरतलब हे कि टोंडामरका अउ दुरमा के बीच बड़ संख्या म माओवादी मन के छिपे होय के खबर मिले रहिस।
ऐखर बाद 19 फरवरी के डीआरजी, एसटीएफ अउ कोरबा बटालियन के संयुक्त पार्टी नक्सल ऑपरेशन ल अंजाम दे बर निकले रहिस। करीब 1400 जवान मन तोंडामरका, दुरमा, कसलपाड़, पालोडी-टेकरी के जंगल म नक्सली मन ल चारों डहर ले घेर लिस अउ मुठभेड़ म 30 घंटा तक ऑपरेशन चलाइस।
पालोडी जंगल के टेकरी के तिर मुठभेड़ म एक नक्सली ल ढेर कर दे रहिस। वहीं दूसरा डहर कोबरा 208 अउ एसटीएफ के जवान घायल घलो होइस, जोन म कोबरा 208 जवान के इलाज के बेरा रायपुर म मउत होगे रहिस।
