बिना बाजा के लोक नृत्य माकू हिमीशी, रोमन विजेता मन के जइसे टोप पहिरे नागा लोक कलाकार मन ह दीन शानदार प्रस्तुति

रायपुर, बिना बाजा के घलोक नागालैंड के लोक कलाकार मन ह युद्ध के बाद विजय ले लहुटत सेना के अपूर्व उत्साह के प्रदर्शन करथे। छत्तीसगढ़ म जइसे गौर नृत्य होथे वइसनहे नागालैंड म शिकार या लड़ाई म सफलता मिले म जश्न इही लोकनृत्य के माध्यम ले मनाए जाथे। ये मां अपन पारंपरिक अस्त्र शस्त्र ले सजे पुरुष जीत के अभिव्यक्ति लोक नृत्य के माध्यम ले करथें। ऊंखर परिवार के महिला मन उंखर उत्साह बढ़ाए स्वागत म नृत्य करथें अऊ चारों कोति उत्साह के वातावरण बन जाथे।