राष्ट्रीय आदिवासी महोत्सव म नृत्य के संग मनखे लेवत हें कलेवा मन के आनन्द
रायपुर, आदिवासी गीत संगीत अऊ नृत्य के समागम के संग साइंस कॉलेज मैदान म राष्ट्रीय आदिवासी महोत्सव कार्यक्रम पूरा सबाब म हे। देश-विदेश ले पहुंचे आदिवासी कलाकार मन के नृत्य अऊ संस्कृति ल देखे बर मनखे मन के भीड़ सरलग कार्यक्रम स्थल म पहुंचत हे। एक तरफ मनखे मन ल जेमां विविध लोक नृत्य मन ल देखे के सुनहरा अवसर राज्य म पहली पइत मिलत हे उहें इहां स्टाल मन के माध्यम ले लगे छत्तीसगढ़ी कलेवा मन के स्टाल मन म खाए के स्वाद घलोक मिलत हे।
मनखे मन के भीड़ ए स्टाल मन म भिनसरहा ले संझा तक दिखाई देवत हे। इहां करीबन 11 ले 12 स्टाल हे जऊन स्व सहायता समूह मन के महिला मन के अलावा आन संस्था मन कोति ले संचालित करे जात हे। ए स्टाल मन म छत्तीसगढ़ के पारंपरिक व्यंजन चौसेला, पपची, अइरसा, चीला, फरा, गुझियां, खाजा, ठेठरी, खुरमी, छिटहा लड्डू, करी लड्डू, जोरन, भजिया संग आन व्यंजन मिलत हे। बहुतेच कम कीमत म छत्तीसगढ़ी व्यंजन के स्वाद सबो ल भावत हे।