सर्बिया, इंडोनेशिया अऊ मालदीव के नृतक दल राष्ट्रीय आदिवासी नृत्य महोत्सव म सामिल होए राजधानी रायपुर पहुंचिन

रायपुर, यूरोप के सर्बिया अऊ एशिया ले मालदीव अऊ इंडोनेशिया के नृतक दल राष्ट्रीय आदिवासी नृत्य महोत्सव म सामिल होए आज राजधानी रायपुर पहुंचिन। विभागीय अधिकारी कर्मचारी मन ह माना विमानतल म उंखर आत्मीय स्वागत करिन। नृतक दल म गजब के उत्साह देखे ल मिलीस अऊ ये उत्साह के संग ही उमन अपन अपन अपन देश के संस्कृति के झलक एयरपोर्ट म नृत्य करके घलोक प्रदर्शित करिन। नर्तक दल ह छत्तीसगढ़ सरकार ल धन्यवाद देवत कहिन कि नेशनल ट्राइबल डांस फेस्टिवल ले ओ मन ल सांस्कृतिक अदान प्रदान म सामिल होए के अच्छा अवसर मिलत हे अऊ छत्तीसगढ़ के संस्कृति के संग संग कई ठन देश के संस्कृति ले नेशनल ट्राइबल डांस फेस्टिवल के संग उमन अवगत हो पाहीं। एखर बाद उमन छत्तीसगढ़िया सबले बढ़िया के नारा के उदघोष करिन।