दुर्ग, 08 मार्च 2021। मुख्यमंत्री श्री भूपेश बघेल के नरवा योजना के माध्यम ले प्रदेश के परंपरागत जल स्रोत मन ल संजीवनी मिलत हे। एकर सुंदर उदाहरण धमधा ब्लाक के लुमती नाला हे। 25 बछस पहिली ये नाला म छोटकुन स्टाप डैम बनाए गए रहिस। गाद जमत गीस अऊ पाछू साल तक ये स्थिति रहिस के पूरा नाला ही गाद ले पटा गए रहिस अऊ नाला ह अपन जिंदा रहे बर दिशा ही बदल देहे रहिस। स्वाभाविक हे कि एखर से भूमिगत जल रिचार्ज नइ हो पात रहिस। ये पईत लुमती नाला के ट्रीटमेंट सुरू होए ले फरक महसूस होय हे। किसान मन बताथें कि फागुन महीना आ गए हे अब तक हमार बोरवेल पूरा सुखा जात रहिस फेर ये पईत अइसे नइ होय हे। ये पईत बोरवेल के धार बने चलत हे। ग्राम सेवती के उत्तम पटेल ह बताइस कि ओ मन गेंहूँ के फसल लेवत हे। अब जलस्तर बाढ़त हे त अगले पईत चना अऊ सब्जी घलोक लगाबों। एसडीएम श्री बृजेश क्षत्रिय ह बताइस कि कलेक्टर डा. सर्वेश्वर नरेंद्र भुरे के मार्गदर्शन के मुताबिक गांव वाले मन ले विचार-विमर्श के बाद ए नाला के ट्रीटमेंट के काम करे जात हे। गांव वाले मन घलोक काफी उत्साहित हें। जनपद सीईओ श्री मेश्राम ह बताइस कि नाला मन के किनारे पौधरोपण के काम घलोक करे जात हे ताकि जमीन के कटाव घलोक रूकय अऊ वाटर रिचार्ज म घलोक मदद मिलय।
लउछरहा..
चुनाव म सुग्घर काम करईया साहेब मन के मान करे गीस
दुर्ग 18 मई 2024/ लोकसभा निर्वाचन 2024 अंतर्गत संसदीय क्षेत्र नंबर 07 दुर्ग म 07 मई...उल्टी-दस्त प्रभावित गांव बोड़ेगांव म स्थिति नियंत्रण म
दुर्ग, 16 मई 2024/ ग्राम बोड़ेगांव (ननकट्ठी) म उल्टी-दस्त के आऊटब्रेक के सूचना मिले म 15...कलेक्टर अउ जिला निर्वाचन अधिकारी ह करिस स्ट्रांग रूम के जांच
May 14, 2024 Surabhi Tiwari Comments Off on कलेक्टर अउ जिला निर्वाचन अधिकारी ह करिस स्ट्रांग रूम के जांचदुर्ग, 14 मई 2024/ कलेक्टर अउ जिला निर्वाचन अधिकारी सुश्री ऋचा प्रकाश चौधरी ह काली श्री...