छत्तीसगढ़ म मिले अपनापन अऊ देखभाल ले प्रभावित होइस नर्तक दल
रायपुर, राष्ट्रीय आदिवासी नृत्य महोत्सव म भाग लेके बेलारूस के लोक नृत्य के छटा बगराए बेलारूस के कलाकार आज छत्तीसगढ़ के राजधानी रायपुर पहुंच गए हें। करीबन सात हजार किलोमीटर के दूरी तय करके 10 सदस्यीय कलाकार दल राष्ट्रीय आदिवासी नृत्य महोत्सव म भाग लेहे पहली पइत छत्तीसगढ़ पहुंचे हे। ऊंखर नृत्य दल ह कनाडा, ग्रीस, अल्जीरिया, इस्पेन, जर्मनी, इटली, रशिया संग कई देश मन म प्रस्तुति दिए हे। नृत्य दल के सदस्य सुश्री एलीसा ह बताइस कि छत्तीसगढ़ के मेहमान नवाजी अऊ इहां मिले अपनापन अऊ देखभाल ले कलाकार बहुत प्रभावित हें। बेलारूस अऊ छत्तीसगढ़ के संस्कृति आवभगत म समान हे। बेलारूस के तुलना म इहां के खाना थोड़ा तीखा हे जउन ओ मन ल स्वादिष्ट लगिस।