राष्‍ट्रीय आदिवासी नृत्‍य महोत्सव के उदघाटन: राहुल गांधी ह मुख्‍यमंत्री श्री भूपेश बघेल के काम ल बिकटे सहराईस

मोदी सरकार उपर आभा मारत कहिस- भाई ल भाई ले लड़वाए ले नइ होवय देश के फायदा

रायपुर, रायपुर म आयोजित होवत राष्‍ट्रीय आदिवासी नृत्‍य महोत्सव के उदघाटन के बेरा म मुख्य अतिथि कांग्रेस के राष्ट्रीय उपाध्यक्ष राहुल गांधी ह छत्तीसगढ़ के मुख्यमंत्री भूपेश बघेल समेत ऊंखर कैबिनेट के संगी मन के दिल खोलके तारीफ करिन। उमन प्रधानमंत्री नरेंद्र मोदी के नाम लेहे बिना नोट बंदी ल लेके सवाल करिन अऊ कहिन कि अइसन फैसला देश के अर्थव्यवस्था के कनिहा टोर देथे। उमन कहिन के ये आयोजन म अनेकता म एकता के झलक छत्तीसगढ़ म आज देखे ल मिलत हे।

राहुल गाँधी ह कहिन कुछ दिन पहिली बघेल जी ह मोला ये आयोजन के नेउता देहे रहिन। आदिवासी मन के बात होथे तो मैं 2 मिनट म संघरे बर मियार हो जाथं। एकर से हमला आदिवासी मन के इतिहास ल समझे के मौका मिलही। उमन एहू कहिन के आदिवासी मन के आगू देश मे बहुत समस्या हवय फेर खुशी के बात हे कि छत्तीसगढ़ म आदिवासी मन के आवाज़ सुनाई देवत हे।